ପାରିବାରିକ କଳହକ କରୁଣ ପରିଣତି । ସାନଭାଇକୁ ଛୁରିରେ ହତ୍ୟା କଲା ବଡଭାଇ । ଏଭଳି ଲୋମହର୍ଷଣକାରୀ ଘଟଣା ଦେଖିବାକୁ ମିଳିଛି କଟକ ଦରଘା ବଜାର ଥାନା ଅନ୍ତର୍ଗତ ବାଉଁଶ ଗଳି ଅଞ୍ଚଳରେ।
ମିଳିଥିବା ସୂଚନା ଅନୁଯାୟୀ, ବଡ଼ ଭାଇ ଅଜିମୁଲ୍ଲାଖାନର ଛୁରାମାଡ଼ରେ ସାନ ଭାଇ ସଫିଉଲ୍ଳା ଖାନର ମୃତ୍ୟୁ ଘଟିଛି। ମୃତକ ବାଉଁଶ ଗଳି ଅଞ୍ଚଳର। ତେବେ ହତ୍ୟାକାଣ୍ଡରକାରଣ ଅସ୍ପଷ୍ଟ ଥିଲେ ବି ପାରିବାରିକ କଳହରୁ ଏହି ଅଘଟଣ ଘଟିଥିବା କୁହାଯାଉଛି।
ଅନ୍ୟପଟେ ମୃତଦେହକୁ ବ୍ୟବଚ୍ଛେଦ ପାଇଁ ପଠାଇ ଦରଘା ବଜାର ଥାନା ପୁଲିସ ଘଟଣାର ଅଧିକ ଖୋଳତାଡ୍ କରୁଛି।
