ପଶ୍ଚିମବଙ୍ଗରେ ନିର୍ବାଚନୀ ପ୍ରଚାରକୁ ତେଜ କରି ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ରବିବାର ସୋନାମୁଖୀ ଓ ନନ୍ଦକୁମାରର ସଭାରେ ତୃଣମୂଳ କଂଗ୍ରେସ ଓ ବାମଦଳଙ୍କୁ କଡା ଆକ୍ରମଣ କରିଥିଲେ। ସେ କହିଥିଲେ ଯେ, ପଶ୍ଚିମବଙ୍ଗରେ “ଖେଳା”ର ଯୁଗ ଶେଷ ହେବ ଓ ବିଜେପି ଶାସନରେ ବିକାଶର ନୂତନ ଅଧ୍ୟାୟ ଆରମ୍ଭ ହେବ।
ସେ ଅଭିଯୋଗ କରିଥିଲେ ଯେ, ତୃଣମୂଳ ଶାସନକାଳରେ ରାଜନୈତିକ ହିଂସା ବଢ଼ିଛି ଓ ବିଜେପି କର୍ମୀମାନେ ଲକ୍ଷ୍ୟବନ୍ଦ ହେଉଛନ୍ତି।ନରେନ୍ଦ୍ର ମୋଦୀ ଙ୍କ ନେତୃତ୍ୱରେ “ଡବଲ୍ ଇଞ୍ଜିନ୍ ସରକାର” ଗଠନ ହେଲେ ଆଇନ-ଶୃଙ୍ଖଳା ଶକ୍ତିଶାଳୀ ହେବ ବୋଲି ସେ କହିଥିଲେ।
ନନ୍ଦକୁମାର ସଭାରେ ସେ କହିଥିଲେ ଯେ, “ବନ୍ଦେ ମାତରମ୍”କୁ ବିରୋଧ କରୁଥିବାମାନେ ଦେଶ ଛାଡ଼ିଦିଅନ୍ତୁ। ସେ ସ୍ୱାମୀ ବିବେକାନନ୍ଦ, ସୁଭାଷ ଚନ୍ଦ୍ର ବୋଷ,ଖୁଦିରାମ ବୋଷ ଓ ଶ୍ୟାମା ପ୍ରସାଦ ମୁଖର୍ଜୀ ଙ୍କ ଅବଦାନକୁ ସ୍ମରଣ କରି ପଶ୍ଚିମବଙ୍ଗର ଐତିହ୍ୟକୁ ଉଲ୍ଲେଖ କରିଥିଲେ।
ସେ ମମତା ବାନାର୍ଜୀ ସରକାରକୁ ତୁଷ୍ଟିକରଣ ଓ ଅନାଇନତାର ଅଭିଯୋଗ ଲଗାଇଥିଲେ। ଆର୍.ଜି. କର୍ ଘଟଣା ସହିତ ଅନ୍ୟାନ୍ୟ ହିଂସା ଘଟଣାରେ ସରକାର ନିରବ ଥିବାକୁ ସେ ଆଲୋଚନା କରିଥିଲେ। ସମାପ୍ତିରେ ସେ ଲୋକମାନଙ୍କୁ ବିଜେପିକୁ ସମର୍ଥନ କରିବାକୁ ଆହ୍ୱାନ କରି କହିଥିଲେ ଯେ, ଏହା ମାଧ୍ୟମରେ ଅବସ୍ଥାପନା, ଚାକିରି ଓ ମହିଳା ସୁରକ୍ଷାରେ ଉନ୍ନତି ସୁନିଶ୍ଚିତ ହେବ।
