ଭାରତରେ ତିଆରି କରୋନା ଟିକା ବିଶ୍ୱ ସ୍ୱାସ୍ଥ୍ୟ ସଂଗଠନ ଦ୍ୱାରା ଅନୁମୋଦନ ହୋଇନାହିଁ । କିନ୍ତୁ ଅଷ୍ଟ୍ରେଲିଆ ସରକାର ଏହାକୁ ଅନୁମୋଦିତ ଟିକା ତାଲିକାରେ ଅନ୍ତର୍ଭୁକ୍ତ କରିଛନ୍ତି । ଯାତ୍ରିଙ୍କ ଟିକାକରଣ ସ୍ଥିତି ପାଇଁ ଭାରତ ବାୟୋଟେକ୍ ଦ୍ୱାରା ପ୍ରସ୍ତୁତ କୋଭାକ୍ସିନକୁ ଅଷ୍ଟ୍ରେଲିଆ ଅନୁମୋଦନ କରିଛି । ଅଷ୍ଟ୍ରେଲିଆରେ ଭାରତର ହାଇ କମିଶନର ବରୀ ଓ’ଫରେଲ ଏହି ସୂଚନା ଦେଇଛନ୍ତି ।
କୋଭାକ୍ସିନ୍ ଅଷ୍ଟ୍ରେଲିଆ ସରକାରଙ୍କ ଠାରୁ ଏହି ସବୁଜ ସଙ୍କେତ ପାଇଛି ଯେଉଁ ସମୟରେ ସ୍ୱଦେଶୀ ଟିକା ବିଶ୍ୱ ସ୍ୱାସ୍ଥ୍ୟ ସଂଗଠନର ଅନୁମୋଦନ ପାଇଁ ଅନେକ ସପ୍ତାହ ଅପେକ୍ଷା କରିଛି । ଏହି ଟିକାକୁ ଅନୁମୋଦନ କରିବାକୁ ବିଶ୍ୱ ସ୍ୱାସ୍ଥ୍ୟ ସଂଗଠନ ଅଧିକ ସୂଚନା ମାଗିଛି । ବିଶ୍ୱ ସ୍ୱାସ୍ଥ୍ୟ ସଂଗଠନ କହିଛି ଯେ ଆଉ କିଛି ସୂଚନା ଆବଶ୍ୟକ । କେବଳ ସେହି ଆଧାରରେ ଟିକା ବ୍ୟବହାର ପାଇଁ ଅନୁମୋଦନ ଦିଆଯାଇପାରିବ । ଏହାପୂର୍ବରୁ ୨୬ ଅକ୍ଟୋବରରେ ବିଶ୍ୱ ସ୍ୱାସ୍ଥ୍ୟ ସଂଗଠନର ଏକ ବୈଠକ ହୋଇଥିଲା ଯେଉଁଥିରେ ଟିକା ଅନୁମୋଦନ ହେବାର ଆଶା କରାଯାଉଥିଲା, କିନ୍ତୁ ତାହା ହୋଇପାରିଲା ନାହିଁ । ବର୍ତ୍ତମାନ WHO ର ବୈଠକ 3 ନଭେମ୍ବରରେ ହେବାକୁ ଯାଉଛି । ଏହି ସଭାରେ ଭରତ ବାୟୋଟେକ୍ ର ଟିକା କୋଭାକ୍ସିନ୍ ଅନୁମୋଦନ ଦିଆଯିବ । ଚଳିତ ବର୍ଷ ୧୯ ଏପ୍ରିଲରେ, ଭାରତ ବାୟୋଟେକ୍ ଦ୍ୱାରା ବିଶ୍ୱ ସ୍ୱାସ୍ଥ୍ୟ ସଂଗଠନକୁ ଏକ ଆବେଦନ କରାଯାଇଥିଲା । ଇଣ୍ଡିଆନ୍ କାଉନସିଲ୍ ଅଫ୍ ମେଡିକାଲ୍ ରିସର୍ଚ୍ଚ ସହିତ ମିଳିତ ଭାବେ ଏହି ଟିକା ଭାରତ ବାୟୋଟେକ୍ ଦ୍ୱାରା ପ୍ରସ୍ତୁତ କରାଯାଇଥିଲା ।
