ନୂଆଦିଲ୍ଲୀ: ଇଂଲଣ୍ଡ ଗସ୍ତରେ ଥିବା ଟିମ୍ ଇଣ୍ଡିଆକୁ ଝଟକା । ଇଂଲଣ୍ଡ ବିପକ୍ଷ ପଞ୍ଚମ ଟେଷ୍ଟ ମ୍ୟାଚ୍ ପୂର୍ବରୁ ଭାରତୀୟ କ୍ୟାପଟେନ ରୋହିତ ଶର୍ମା କୋରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଜୁଲାଇ ୧ରୁ ଏହି ବହୁ ପ୍ରତିକ୍ଷୀତ ଟେଷ୍ଟ ମ୍ୟାଚ୍ ଆରମ୍ଭ ହେବାକୁ ଥିବାବେଳେ, ରୋହିତ ଏହି ମ୍ୟାଚ୍ରେ ଭାରତର ନେତୃତ୍ୱ ନେବେ ।ତେବେ ରାପିଡ ଆଣ୍ଟିଜେନ ଟେଷ୍ଟରେ ରୋହିତଙ୍କ ରିପୋର୍ଟ ପଜିଟିଭ ଆସିଛି । ଫଳରେ ଲେସଷ୍ଟରସେୟର ସହିତ ୪ ଦିନିକିଆ ୱାର୍ମଅପ୍ ମ୍ୟାଚ୍ ଖେଳିଥିବା ରୋହିତ ଏବେ କ୍ୱାରେଣ୍ଟାଇନରେ ରହିଛନ୍ତି ।ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ ଟ୍ୱିଟ୍ କରି ରୋହିତ କୋଭିଡ ପଜିଟିଭ ହୋଇଥିବା ନେଇ ସୂଚନା ଦେଇଛନ୍ତି । ଏବେ କ୍ୟାପଟେନ୍ ରୋହିତ ଶର୍ମାଙ୍କୁ ଆଇସୋଲେସନରେ ରଖାଯାଇଛି ଓ ବିସିସିଆଉ ମେଡିକାଲ ଟିମ ତାଙ୍କର ସ୍ୱାସ୍ଥ୍ୟ ଉପରେ ନଜର ରଖିଛନ୍ତି ବୋଲି ବୋର୍ଡ ଟ୍ୱିଟରରେ ଉଲ୍ଲେଖ କରିଛି ।ଜୁଲାଇ ୧ ରୁ ଭାରତ ଓ ଇଂଲଣ୍ଡ ମଧ୍ୟରକେ ଅସମାପ୍ତ ୫ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜର ଶେଷ ମ୍ୟାଚ୍ ଖେଳାଯିବା ନେଇ ସୂଚୀ ରହିଛି ।
