ଶସ୍ତା ହେଲା ରୂପା, ଏବେ ୧୦ ଗ୍ରାମ ସୁନା ପାଇଁ ଦେବାକୁ ପଡିବ ଏତିକି ଟଙ୍କା

ଦେଶର ରାଜଧାନୀ ଦିଲ୍ଲୀରେ ୧୦ ଗ୍ରାମ ସୁନା ମୂଲ୍ୟରେ ୨ ଟଙ୍କା ସାମାନ୍ୟ ବୃଦ୍ଧି ପାଇଛି ।ଏଥିସହ, ଏହି ସମୟ ମଧ୍ୟରେ ରୂପା କିଲୋଗ୍ରାମ ପ୍ରତି ୨୦୦ ଟଙ୍କା ଶସ୍ତା ହୋଇଛି । ବିଶେଷଜ୍ଞମାନେ କହିଛନ୍ତି ଯେ ଆନ୍ତର୍ଜାତୀୟ ସ୍ତରରେ ଆମେରିକୀୟ ଡଲାରର ଦୁର୍ବଳତା ହେତୁ ସୁନା ମୂଲ୍ୟ ଫେରି ଆସିଛି । ତଥାପି, ଏହି ଅଭିବୃଦ୍ଧି ସ୍ଥାୟୀ ନୁହେଁ । ସେଥିପାଇଁ ଘରୋଇ ବଜାରରେ ମୂଲ୍ୟ ସ୍ଥିର ରହିଛି ।
ସୁନାର ନୂଆ ମୂଲ୍ୟ ସପ୍ତାହର ଶେଷ ଦିନରେ, ଦିଲ୍ଲୀର ବୁଲିଅନ୍ ବଜାରରେ ୨୪ କ୍ୟାରେଟ୍ ଅର୍ଥାତ୍ ୯୯.୯ ପ୍ରତିଶତ ସୁନା ୨ ଟଙ୍କା ବଢି ୪୬,୧୭୧ ଟଙ୍କାକୁ ବୃଦ୍ଧି ପାଇଛି । ସେହି ସମୟରେ, ଏହାର ଗୋଟିଏ ଦିନ ପୂର୍ବରୁ ଅର୍ଥାତ୍ ଗୁରୁବାର ଦିନ ସୁନା ମୂଲ୍ୟ ବାଣିଜ୍ୟ ଶେଷରେ ୪୬,୧୬୯ରେ ବନ୍ଦ ହୋଇଯାଇଛି । ଆଜି ଆନ୍ତର୍ଜାତୀୟ ବଜାରରେ ସାମାନ୍ୟ ପରିବର୍ତ୍ତନ ସହିତ ସୁନା ମୂଲ୍ୟ ୧,୮୧୩ ଡଲାରରେ ପହଞ୍ଚିଛି ।
ରୂପା ନୂଆ ମୂଲ୍ୟ ସୁନା ତୁଳନାରେ ରୂପା ମୂଲ୍ୟରେ ହ୍ରାସର ଧାରା ଜାରି ରହିଛି । ଦିଲ୍ଲୀ ଷ୍ଟକ ବଜାରରେ ରୂପା ମୂଲ୍ୟ ୨୦୯ ଟଙ୍କା ହ୍ରାସ ପାଇ ୬୨,୨୫୮ଟଙ୍କା ହୋଇଛି ।

ତେବେ ଗୁରୁବାର ଦିନ ଏକ କିଲୋଗ୍ରାମ ରୂପା ମୂଲ୍ୟ ୬୨,୪୬୭ ଟଙ୍କା ଥିଲା । ଆନ୍ତର୍ଜାତୀୟ ବଜାରରେ ଏହି ମୂଲ୍ୟ ୨୪ ଡଲାର ରହିଛି । HDFC ସିକ୍ୟୁରିଟି କମୋଡିଟି ଆନାଲିଷ୍ଟ ତପନ ପଟେଲ କହିଛନ୍ତି ଯେ ଗତ କିଛି ଦିନ ହେବ ସୁନା ମୂଲ୍ୟ ସୀମିତ ସୀମା ମଧ୍ୟରେ ରହିଛି । ତଥାପି, ଆସନ୍ତା ସପ୍ତାହରେ ମଧ୍ୟରେ ବଡ଼ ପରିବର୍ତ୍ତନ ହୋଇପାରେ । କାରଣ ଆସନ୍ତା ସପ୍ତାହରେ ଅନେକ ବଡ ଘଟଣା ଆସିବାକୁ ଯାଉଛି । ଯାହା ସୁନା ମୂଲ୍ୟ ଉପରେ ପ୍ରଭାବ ପକାଇବ ।ବିଶ୍ୱର ସର୍ବବୃହତ ETF SPDR ହୋଲ୍ଡିଂ (SPDR ଗୋଲ୍ଡ ଟ୍ରଷ୍ଟ) ଖୋଲା ବଜାରରେ ସୁନା ବିକ୍ରି କରିଛି । SPDR ର ମୋଟ ସୁନା ହୋଲ୍ଡିଂ 998.52 ଟନ୍ ସୁନାକୁ ଖସି ଆସିଛି । ନ୍ୟୁଜ୍ ଏଜେନ୍ସି କହିଛି ଯେ ଏହି ହୋଲ୍ଡିଂ ଦୁଇ ବର୍ଷ ମଧ୍ୟରେ ସର୍ବନିମ୍ନ ଅଟେ । ସେଥିପାଇଁ ଆସନ୍ତା କିଛି ମାସ ମଧ୍ୟରେ ସୁନା ମୂଲ୍ୟରେ ହ୍ରାସ ଘଟିବ ବୋଲି ବିଶେଷଜ୍ଞମାନେ ପୂର୍ବାନୁମାନ କରୁଛନ୍ତି ।