ଆଜି ଭାରତ ଯୋଡ଼ୋ ଯାତ୍ରାରେ ଯୋଡି ହେବେ କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧି । ରାହୁଲଙ୍କ ନେତୃତ୍ୱାଧୀନ ଭାରତ ଯୋଡା ଯାତ୍ରା ବର୍ତ୍ତମାନ କର୍ଣ୍ଣାଟକର ମାଣ୍ଡ୍ୟ ଜିଲ୍ଲାରେ ପହଞ୍ଚିଥିବାବେଳେ ଜାକନାହଲ୍ଲୀରେ ପହଞ୍ଚିସାରିଛନ୍ତି ସୋନିଆ ।
ଆଜି ସକାଳେ ପାଣ୍ଡବପୁରରେ ଆରମ୍ଭ ହୋଇଥିବା ଏହି ପଦଯାତ୍ରାରେ ସୋନିଆ ସାମିଲ ହେବେ। ପଦଯାତ୍ରା ପରେ ବ୍ରହ୍ମଦେବରାହଲ୍ଲୀ ଗ୍ରାମରେ ଏକ ସଭା ଅନୁଷ୍ଠିତ ହେବ।
ଗତ ସେପ୍ଟେମ୍ବର ୭ରେ ଭାରତ ଯୋଡା ଯାତ୍ରା କନ୍ୟାକୁମାରୀରୁ ଆରମ୍ଭ ହୋଇ ଶୁକ୍ରବାର କର୍ଣ୍ଣାଟକରେ ପ୍ରବେଶ କରିଛି। କର୍ଣ୍ଣାଟକରେ ଏହି ଯାତ୍ରା ୨୧ ଦିନ ଚାଲିବ ଏବଂ ୫୧୧ କିମି ଅତିକ୍ରମ କରିବ। କନ୍ୟାକୁମାରୀରୁ ଗତ ମାସ ୭ ତାରିଖରେ ଆରମ୍ଭ ହୋଇଥିବା ଯାତ୍ରା ଶୁକ୍ରବାର କର୍ଣ୍ଣାଟକରେ ପହଞ୍ଚିଥିଲା।
