ନୂଆଦିଲ୍ଲୀ- ଆମ୍ ଆଦମୀ ପାର୍ଟୀ ଏମ୍ପି ସ୍ବାତୀ ମାଲିଓ୍ବାଲଙ୍କ ମେଡିକାଲ ରିପୋର୍ଟ ସାମ୍ନାକୁ ଆସିଛି। ମେ’ ୧୩ରେ ମୁଖ୍ୟମନ୍ତ୍ରୀ କେଜ୍ରିଓ୍ବାଲଙ୍କ ଆବାସରେ ତାଙ୍କ ଉପରେ ହୋଇଥିବା ଆକ୍ରମଣ ପରେ ତାଙ୍କ ମୁହଁ ଏବଂ ଗୋଡ଼ରେ କ୍ଷତଚିହ୍ନ ରହିଛି। ଏମ୍ସର ଜୟ ପ୍ରକାଶ ନାରାୟଣ ଆପେକ୍ସ ଟ୍ରମା ସେଣ୍ଟରରେ ମାଲିଓ୍ବାଲଙ୍କ ମେଡିକାଲ ଯାଞ୍ଚ କରାଯାଇଥିଲା। ଏଥିରେ ତାଙ୍କର ବାମ ଗୋଡ଼ ଏବଂ ଡାହାଣ ଆଖି ସହ ଶରୀରର ୪ ସ୍ଥାନରେ ଆଘାତ ଲାଗିଥିବା ଟେଷ୍ଟରୁ ଜଣାପଡ଼ିଛି।
