ଜାଗର ଭିଡ ଭିତରୁ ଦୁର୍ବୃତ୍ତ ଲୁଟି ନେଲା ସୁନା ଚେନ୍

ପୁରୀ ଲୋକନାଥ ମନ୍ଦିର ଭିଡ ଭିତରେ ଏକ ମହିଳାଙ୍କ ବେକରୁ ଦୁର୍ବୃତ୍ତ ଲୁଟି ନେଲା ସୁନା ଚେନ୍ । ମନ୍ଦିର ଭିତରେ ଲୁଟରର ଶିକାର ହେଲେ ମହିଳା ଭକ୍ତ । ଲୁଟରର ଶିକାର ହୋଇଥିବା ମହିଳା ଜଣକ ହେଉଛନ୍ତି ବ୍ରହ୍ମଗିରି ବ୍ଲକର ସରସ୍ୱତୀ ପଲ୍ଲେଇ । ଆଜି ଜାଗର ଯାତ୍ରା ଅବସରରେ ସରସ୍ଵତୀ ତାଙ୍କ ପରିବାର ଲୋକଙ୍କ ସହ ଲୋକନାଥ ମନ୍ଦିର ଦର୍ଶନ ପାଇଁ ଆସିଥିବା ବେଳେ ମନ୍ଦିର ଭିଡ ଭିତରେ ତାଙ୍କ ବେକରୁ ୧୪ ଭରିର ସୁନା ଚେନ ଦୁର୍ବୁତ୍ତ ଲୁଟି ନେଇଥିବା ତାଙ୍କ ସ୍ୱାମୀ ବାସେଳୀ ସାହି ଥାନା ପୋଲିସରେ ଅଭିଯୋଗ କରିଛନ୍ତି । ସେହିପରି ବୃଦ୍ଧାଙ୍କ ବେକରୁ ଜଣେ ମହିଳା ଲୁଟେରା ଚେନ ଲୁଟୁ ଥିବା ବେଳେ ବୃଦ୍ଧା ଜଣକ ତାଙ୍କୁ ଧରିବାରେ ସକ୍ଷମ ହୋଇଛନ୍ତି ।