ଓଜେଇଇ କାଉନସେଲିଂ ପ୍ରକ୍ରିୟା ଆଜିଠୁ ଆରମ୍ଭ

ଭୁବନେଶ୍ୱର: ବିଭିନ୍ନ ବୈଷୟିକ ଓ ବୃତ୍ତିଗତ ଶିକ୍ଷାନୁଷ୍ଠାନରେ ନାମଲେଖା ପାଇଁ ଓଜେଇଇ କାଉନସେଲିଂ ପ୍ରକ୍ରିୟା ଆଜିଠୁ ଆରମ୍ଭ ହେବ। ଅନଲାଇନ ଯୋଗେ ଏହି କାଉନସେଲିଂ ହେବାକୁ ଥିବାବେଳେ ଲାଟେରାଲ୍‍ ବର୍ଗର ଡିପ୍ଲୋମା, ବିଏସସି(ଟେକନିକାଲ୍‍), ଫାର୍ମା ଏବଂ ଇଣ୍ଟିଗ୍ରେଟେଡ୍‍ ଏମ୍‍ବିଏ ଛାତ୍ରଛାତ୍ରୀଙ୍କ କାଉନସେଲିଂ ହେବ। ଛାତ୍ରଛାତ୍ରୀଙ୍କ ପଞ୍ଜୀକରଣ ଓ ଚଏସ ଫିଲିଂ ଅନଲାଇନ୍‍ ଜରିଆରେ ଆସନ୍ତା ୧୦ ତାରିଖ ଯାଏଁ ଚାଲିବ। ସେହିପରି ସବିଶେଷ ସୂଚୀ ପରବର୍ତ୍ତୀ ସମୟରେ ପ୍ରକାଶ ପାଇବାକୁ ଥିବାବେଳେ ଛାତ୍ରଛାତ୍ରୀ ସମସ୍ତ ତଥ୍ୟ www.ojee.nic.in ମାଧ୍ୟମରେ ପାଇ ପାରିବେ ବୋଲି ଓଜେଇଇ ପକ୍ଷରୁ ସୂଚନା ଦିଆଯାଇଛି।