ଅଗ୍ନିକାଣ୍ଡରେ ଜଳିଗଲା ଚାନ୍ଦିନିଚୌକର ଭାଗିରଥ ମାର୍କେଟ କମ୍ପ୍ଲେକ୍ସ । ଗତକାଲି ବିଳମ୍ବିତ ରାତିରେ ନୂଆଦିଲ୍ଲୀର ଚାନ୍ଦିନିଚୌକ ଅଞ୍ଚଳରେ ଥିବା ଭାଗିରଥ ମାର୍କେଟ କମ୍ପ୍ଲେକ୍ସରେ ବଡଧରଣର ଅଗ୍ନିକାଣ୍ଡ ଘଟିଛି । ଫଳରେ ଅନେକ ଦୋକାନ ସହିତ ଏକ ଦୁଇଟି ମହଲା ବିଶିଷ୍ଟ ବିଲ୍ଡିଂ ଜଳିପୋଡ଼ି ପାଉଁଶ ହୋଇଯାଇଛି ।
ତେବେ ମିଳିଥିବା ସୂଚନା ଅନୁଯାୟୀ, ଏହି ନିଆଁ ଲିଭାଇବାକୁ ୪୦ଟି ଦମକଳ ଗାଡ଼ି ନିୟୋଜିତ ହୋଇଥିଲା। ଏହାସତ୍ତ୍ୱେ ଆଜି ସକାଳ ସୁଦ୍ଧା ଏହି ନିଆଁ ସମ୍ପୂର୍ଣ୍ଣ ଲିଭି ନଥିଲା । ସୌଭାଗ୍ୟବଶଃତ ଏଥିରେ କେହି ମୃତାହତ ହୋଇ ନ ଥିବା ଜଣାଯାଇଛି ।
ଭାଗିରଥ ମାର୍କେଟ କମ୍ପ୍ଲେକ୍ସରେ ମୁଖ୍ୟତଃ ଇଲେକଟ୍ରୋନିକ୍ସ ଦୋକାନ ରହିଛି। ଗତକାଲି ରାତିରେ କୌଣସି କାରଣବଶଃତ ନିଆଁ ଲାଗିବାରୁ ତାହା ଦ୍ରୁତ ଗତିରେ ଦୋକାନଗୁଡ଼ିକୁ ବ୍ୟାପି ଯାଇଥିଲା। ଫଳରେ ପ୍ରାୟ ୪୦ ପାଖାପାଖି ଦୋକାନ ନିଆଁ ଦ୍ୱାରା କବଳିତ ହୋଇ ଯାଇଥିଲା।
