ଭାଜପା ରାଷ୍ଟ୍ରୀୟ ଅଧ୍ୟକ୍ଷ ନୀତିନ ନବୀନ ବିଧାୟକ ପଦରୁ ଇସ୍ତଫା ଦେଇଛନ୍ତି। ସେ ବିହାର ବିଜେପି ରାଜ୍ୟ ସଭାପତି ସଞ୍ଜୟ ସରାୱାଗୀଙ୍କୁ ତାଙ୍କ ଇସ୍ତଫାପତ୍ର ପ୍ରଦାନ କରିଥିବାବେଳେ, ଏହାକୁ ବିହାର ବିଧାନସଭା ବାଚସ୍ପତି ପ୍ରେମ କୁମାରଙ୍କ ପାଖରେ ଦାଖଲ କରାଯାଇଛି।
ଦଳ ପକ୍ଷରୁ କୁହାଯାଇଛି ଯେ, ନୀତିନ ନବୀନ ଏବେ ଆସାମରେ ନିର୍ବାଚନ ପ୍ରଚାରରେ ବ୍ୟସ୍ତ ଥିବାରୁ ସେ ବ୍ୟକ୍ତିଗତ ଭାବେ ଉପସ୍ଥିତ ରହିପାରିନାହାନ୍ତି। ବାଚସ୍ପତି ପ୍ରେମ କୁମାର କହିଛନ୍ତି ଯେ, ସଞ୍ଜୟ ସରାୱାଗୀଙ୍କ ମାଧ୍ୟମରେ ମିଳିଥିବା ଇସ୍ତଫାପତ୍ରକୁ ଗ୍ରହଣ କରାଯାଇଛି ଏବଂ ପରବର୍ତ୍ତୀ ପ୍ରକ୍ରିୟା ପାଇଁ ପଠାଯାଇଛି।
ରାଜ୍ୟସଭାକୁ ନିର୍ବାଚିତ ହେବା ପରେ ସମ୍ବିଧାନ ଅନୁଯାୟୀ ସେ ବିଧାୟକ ପଦ ଛାଡିଛନ୍ତି। ସେ ପାଟନାର ବାଙ୍କିପୁର ଆସନରୁ ବିଧାୟକ ଥିଲେ।
ସୋସିଆଲ ମିଡିଆ ଏକ୍ସରେ ଭାବପ୍ରବଣ ବାର୍ତ୍ତାରେ ନୀତିନ ନବୀନ ବାଙ୍କିପୁରବାସୀଙ୍କୁ ତାଙ୍କ ପରିବାର ବୋଲି ବର୍ଣ୍ଣନା କରିଛନ୍ତି। ସେ କହିଛନ୍ତି ଯେ 2006ରେ ପାଟନା ପଶ୍ଚିମରୁ ଉପନିର୍ବାଚନ ଜିତି ସେ ତାଙ୍କର ରାଜନୈତିକ ଜୀବନ ଆରମ୍ଭ କରିଥିଲେ ଏବଂ ପିଛଲା 20 ବର୍ଷ ଧରି ଏହି ଅଞ୍ଚଳର ବିକାଶ ପାଇଁ ନିରନ୍ତର କାମ କରିଆସୁଛନ୍ତି।
