ପାଟନା: ବିହାରର ରାଜନୀତିରେ ଏକ ବଡ଼ ପରିବର୍ତ୍ତନ ଘଟିଛି। ଦୀର୍ଘ ସମୟ ଧରି ରାଜ୍ୟକୁ ନେତୃତ୍ୱ ଦେଇଆସୁଥିବା ନୀତୀଶ କୁମାର ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇବା ପରେ, ସମ୍ରାଟ ଚୌଧୁରୀ ବିହାରର ନୂଆ ମୁଖ୍ୟମନ୍ତ୍ରୀ ଭାବେ ଦାୟିତ୍ୱ ଗ୍ରହଣ କରିଛନ୍ତି।
ରାଜ୍ୟସଭାକୁ ନିର୍ବାଚିତ ହେବା ପରେ ନୀତିଶ କୁମାରଙ୍କ ଇସ୍ତଫା ସହ ବିହାରରେ ତାଙ୍କର ଦୀର୍ଘ ରାଜନୈତିକ ଯୁଗର ଅନ୍ତ ହୋଇଛି। ଏହା ସହିତ ରାଜ୍ୟରେ ଏକ ନୂଆ ରାଜନୈତିକ ଅଧ୍ୟାୟ ଆରମ୍ଭ ହୋଇଛି।
ବିଜେପି ପକ୍ଷରୁ ବିଧାୟକ ଦଳ ବୈଠକରେ ସମ୍ରାଟ ଚୌଧୁରୀଙ୍କୁ ନେତା ଭାବେ ଚୟନ କରାଯାଇଥିଲା। ତାଙ୍କ ନିୟୋଗ ସହ ବିହାରରେ ପ୍ରଥମ ଥର ପାଇଁ ବିଜେପିର ମୁଖ୍ୟମନ୍ତ୍ରୀ ହୋଇଥିବା କୁହାଯାଉଛି।
ସମ୍ରାଟ ଚୌଧୁରୀ ଏକ ପ୍ରଭାବଶାଳୀ ରାଜନୈତିକ ପରିବାରରୁ ଆସିଛନ୍ତି। ତାଙ୍କ ପିତା ଶକୁନି ଚୌଧୁରୀ ୬ ଥର ବିଧାୟକ ଓ ଏକଥର ସାଂସଦ ଥିଲେ, ଯେଉଁଥିରେ ତାଙ୍କ ମାଆ ପାର୍ବତୀ ଦେବୀ ମଧ୍ୟ ବିଧାୟକ ଭାବେ କାମ କରିଥିଲେ। ନୂଆ ମୁଖ୍ୟମନ୍ତ୍ରୀଙ୍କ ନେତୃତ୍ୱରେ ବିହାରର ରାଜନୀତି କେଉଁ ଦିଗକୁ ଯିବ, ତାହାକୁ ନେଇ ଏବେ ସମସ୍ତଙ୍କ ନଜର ରହିଛି।
