ହରିୟାଣାର କୈଥଲ ଜିଲ୍ଲାରେ ଭୟଙ୍କର ସଡ଼କ ଦୁର୍ଘଟଣାରେ ୩ ଜଣ ଯୁବକଙ୍କ ମୃତ୍ୟୁ ହୋଇଥିବାବେଳେ ଅନ୍ୟ ୩ ଜଣ ଆହତ ହୋଇଛନ୍ତି। ଶନିବାର ରାତି ପ୍ରାୟ ୨ଟାରେ ପାଇ ଓ ସିସମୋର ଗାଁ ମଧ୍ୟରେ ଏକ କାର୍ କେନାଲ ପୋଲରେ ପିଟି ହୋଇଥିଲା। ଧକ୍କା ଏତେ ଜୋରଦାର ଥିଲା ଯେ କାର୍ଟି ସମ୍ପୂର୍ଣ୍ଣ ଭାଙ୍ଗିରୁଜି ଯାଇଥିଲା।
ସୂଚନା ଅନୁଯାୟୀ, କରୋଡ଼ା ଗାଁର ୬ ଜଣ ଯୁବକ ଧାନ ଅମଳ କାମ ସାରି କୈଥଲ ଅଭିମୁଖେ ଯାଉଥିଲେ। ରାସ୍ତାରେ କେନାଲ ପୋଲ ନିକଟରେ ସେମାନଙ୍କ କାର୍ ଦୁର୍ଘଟଣାଗ୍ରସ୍ତ ହୋଇଥିଲା। ଆହତମାନଙ୍କୁ ତୁରନ୍ତ ନାଗରିକ ହସ୍ପିଟାଲ ନିଆଯାଇଥିଲା। ସେଠାରେ ଡାକ୍ତର ନବଦୀପ (୧୯), ପ୍ରଦୀପ (୨୭) ଓ ଅଜୟ (୨୨)ଙ୍କୁ ମୃତ ଘୋଷଣା କରିଥିଲେ।
ମୃତକ ତିନି ଜଣ ଗୋଟିଏ ପରିବାରର ସଦସ୍ୟ ଏବଂ କରୋଡ଼ା ଗାଁର ବାସିନ୍ଦା ବୋଲି ପରିବାର ପକ୍ଷରୁ କୁହାଯାଇଛି। ଦୁର୍ଘଟଣାରେ ଆହତ ଅନ୍ୟ ତିନି ଜଣଙ୍କ ଚିକିତ୍ସା ଚାଲିଛି।
