ଭୁବନେଶ୍ୱର : ନକଲି ଔଷଧ କାରବାର ଜବତ ହେବା ପରେ ଶକ୍ତ ହେଲା ଭୁବନେଶ୍ୱର ଡ୍ରଗ୍ସ କଣ୍ଟ୍ରୋଲର, ଜାରି କଲେ ସ୍ୱତନ୍ତ୍ର ଗାଇଡଲାଇନ । ଭୁବନେଶ୍ୱରର ସମସ୍ତ ଔଷଧ ବିକ୍ରେତା, ବିତରକ, ସିଆଣ୍ଡଏଫ ଏବଂ ଷ୍ଟକିଷ୍ଟଙ୍କ ପାଇଁ ଜାରି ହୋଇଛି ନୋଟିସ। ବଜାରରେ ବିକ୍ରି କରୁଥିବା ସମସ୍ତ ଔଷଧ କମ୍ପାନୀ ନିଜର ବିସ୍ତୃତ ଦସ୍ତାବିଜ ଦାଖଲ କରିବେ। ଅନ୍ୟରାଜ୍ୟରୁ ଔଷଧ କିଣି ବିକ୍ରି କରୁଥିବା ଦୋକାନୀ ଔଷଧ ସମ୍ପର୍କରେ ସତ୍ୟପାଠ ଦାଖଲ କରିବେ। ଖୁଚୁରା ଦୋକାନୀ ବାହାର ରାଜ୍ୟରୁ ଔଷଧ କିଣିପାରିବେ ନାହିଁ। ଡ୍ରଗ୍ସ ଇନ୍ସପେକ୍ଟରଙ୍କ ଦ୍ୱାରା ଚିହ୍ନଟ ଦାଗୀଙ୍କୁ ଚାକିରିରେ ନରଖିବାକୁ ବିତରକ, ସିଆଣ୍ଡଏଫଙ୍କୁ ନିର୍ଦ୍ଦେଶ ଦିଆଯାଇଛି। ନକଲି ଔଷଧ ସମ୍ପର୍କରେ ମାର୍କେଟିଂ ଏକଜିକ୍ୟୁଟିଭ ସତର୍କ ରହିବେ। ବିନା ଅନୁମତିରେ କେହି ଅନଲାଇନ ଔଷଧ ବ୍ୟବସାୟ କରିପାରିବେ ନାହିଁ। କୌଣସି ଖିଲାପ କଲେ ଦୃଢ଼ କାର୍ଯ୍ୟାନୁଷ୍ଠାନ ନିଆଯିବ ।
