ଅମରାବତୀ: ଆନ୍ଧ୍ର ପ୍ରଦେଶର ମୁଖ୍ୟମନ୍ତ୍ରୀ ଏନ୍. ଚନ୍ଦ୍ରବାବୁ ନାଇଡୁ ରାଜ୍ୟରେ ପେଟ୍ରୋଲ ଓ ଡିଜେଲ ଅଭାବ ସମ୍ବନ୍ଧୀୟ ଖବରକୁ ଗୁରୁତ୍ୱ ସହ ନେଇ ଜିଲ୍ଲା ପ୍ରଶାସକମାନଙ୍କୁ ତୁରନ୍ତ ପଦକ୍ଷେପ ନେବାକୁ ନିର୍ଦ୍ଦେଶ ଦେଇଛନ୍ତି।
ରାଜ୍ୟର ବିଭିନ୍ନ ସ୍ଥାନରେ ଲୋକମାନଙ୍କ ଅତ୍ୟଧିକ କ୍ରୟ ପାଇଁ କିଛି ପେଟ୍ରୋଲ ପମ୍ପ ବନ୍ଦ ହୋଇଥିବା ଖବର ଆସିଥିବାରୁ ସିଏମ ଏହାର ସମାଧାନ ପାଇଁ କାର୍ଯ୍ୟଯୋଜନା ତୁରନ୍ତ ଲାଗୁ କରିବାକୁ କହିଛନ୍ତି। ଏହା ସହିତ ବିଭିନ୍ନ ବିଭାଗ କଣ ପଦକ୍ଷେପ ନେଇଛନ୍ତି ତାହାର ରିପୋର୍ଟ ଦାଖଲ କରିବାକୁ ମଧ୍ୟ ନିର୍ଦ୍ଦେଶ ଦେଇଛନ୍ତି।
ଅଧିକାରୀମାନଙ୍କ ସୂଚନା ଅନୁଯାୟୀ, ରାଜ୍ୟର ୪,୫୧୦ଟି ଇନ୍ଧନ କେନ୍ଦ୍ର ମଧ୍ୟରୁ ପ୍ରାୟ ୪୨୧ଟି ପମ୍ପ ବନ୍ଦ ହୋଇଛି। ସାଧାରଣତଃ ଦିନକୁ ଯେତେ ଇନ୍ଧନ ବିକ୍ରି ହୁଏ, ତାହାଠାରୁ ବେଶି ଚାହିଦା ବଢ଼ିବାରୁ ଏହି ସମସ୍ୟା ଦେଖାଦେଇଛି।
ଶନିବାର ଦିନ ପେଟ୍ରୋଲ ଓ ଡିଜେଲ ଯଥେଷ୍ଟ ପରିମାଣରେ ଯୋଗାଣ ହୋଇଥିଲେ ମଧ୍ୟ ଲୋକମାନଙ୍କ ଭୟରେ ଅଧିକ କ୍ରୟ ହେବାରୁ କିଛି ସ୍ଥାନରେ ଷ୍ଟକ୍ ଶୀଘ୍ର ସମାପ୍ତ ହୋଇଯାଇଛି।
ଏହା ସହିତ କେତେକ ଖେତ୍ରରେ ବଡ଼ ପରିମାଣରେ ଇନ୍ଧନ କ୍ରୟ ହେଉଥିବାରୁ ଯୋଗାଣ ଉପରେ ଅଧିକ ଚାପ ପଡ଼ିଛି।
ଏପରିସ୍ଥିତିରେ ରାଜ୍ୟର ମନ୍ତ୍ରୀ ନାଦେନ୍ଦ୍ଲା ମନୋହର କହିଛନ୍ତି ଯେ ରାଜ୍ୟରେ କୌଣସି ଇନ୍ଧନ ଅଭାବ ନାହିଁ ଓ ଲୋକମାନଙ୍କୁ ଭୟଭୀତ ନହେବାକୁ ଆହ୍ୱାନ କରିଛନ୍ତି।
ସେ ସଚେତନ କରିଛନ୍ତି ଯେ କଳା ବଜାର କାରବାର କରୁଥିବାଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ନିଆଯିବ।
