ନୂଆଦିଲ୍ଲୀ: ଇରାନର ବିମାନ ପରିସର ଅଂଶିକ ଭାବେ ଖୋଲା ଥିଲେ ମଧ୍ୟ ଭାରତ ସରକାର ସେଠାକୁ ଯାତ୍ରା କରିବାକୁ ନାଗରିକମାନଙ୍କୁ ବିରତ ରହିବାକୁ ପରାମର୍ଶ ଦେଇଛନ୍ତି। ବିଦେଶ ମନ୍ତ୍ରାଳୟ କହିଛି ଯେ ଯେଉମାନେ ଏବେ ଇରାନରେ ଅଛନ୍ତି, ସେମାନେ ଭୂମି ସୀମା ମାର୍ଗରେ ଦେଶ ଛାଡ଼ିବାକୁ ପଦକ୍ଷେପ ନେଉଛନ୍ତି ଏବଂ ଦୂତାବାସ ସେମାନଙ୍କୁ ସହଯୋଗ କରୁଛି।
ଏପର୍ଯ୍ୟନ୍ତ ତେହରାନର ଭାରତୀୟ ଦୂତାବାସ ୨,୪୪୫ ଜଣ ଭାରତୀୟଙ୍କୁ ଭୂମି ସୀମା ମାର୍ଗରେ ସୁରକ୍ଷିତ ଭାବେ ବାହାର କରିବାରେ ସହଯୋଗ କରିଛି।
ଇସ୍ରାଏଲର ବିମାନ ପରିସର ଖୋଲା ରହିଥିବା ବେଳେ କିଛି ସୀମିତ ବିମାନ ସେବା ପୁନର୍ବାର ଆରମ୍ଭ ହୋଇଛି, ଯାହା ମାଧ୍ୟମରେ ଭାରତକୁ ଯାତ୍ରା କରିପାରିବ। ଯୁଏଇରୁ ମଧ୍ୟ ସୀମିତ ବିମାନ ସେବା ଚାଲୁ ରହିଛି ଏବଂ ରବିବାର ପ୍ରାୟ ୧୧୦ଟି ବିମାନ ଚଳାଚଳ ହେବା ଆଶା କରାଯାଉଛି।
ସାଉଦି ଆରବ, ଓମାନ, କତାର, କୁୱେତ ଓ ବାହାରିନରୁ ମଧ୍ୟ ଭାରତକୁ ସୀମିତ ବିମାନ ସେବା ଚାଲୁ ରହିଛି।
ଭାରତୀୟ ଦୂତାବାସମାନେ ସେଠାରେ ଥିବା ଭାରତୀୟମାନଙ୍କ ସହ ନିରନ୍ତର ସମ୍ପର୍କରେ ରହି ସହଯୋଗ କରୁଛନ୍ତି। ବିଶେଷକରି ସମୁଦ୍ର ଯାତ୍ରୀମାନଙ୍କ ସୁରକ୍ଷାକୁ ମଧ୍ୟ ପ୍ରାଥମ୍ୟ ଦିଆଯାଉଛି।
ଫେବୃଆରୀ ୨୮ରୁ ଏପର୍ଯ୍ୟନ୍ତ ପ୍ରାୟ ୧୨,୯୬,୦୦୦ ଯାତ୍ରୀ ଏହି ଅଞ୍ଚଳରୁ ଭାରତକୁ ଫେରିଛନ୍ତି।
ସରକାରଙ୍କ ପକ୍ଷରୁ ନିରନ୍ତର ସୂଚନା ଓ ସହାୟତା ପ୍ରଦାନ କରାଯାଉଛି ବୋଲି କୁହାଯାଇଛି।
