Breaking PLUSଖେଳଦେଶବ୍ୟକ୍ତିତ୍ୱମୁଖ୍ୟ ଖବର

ଆଇପିଏଲ୍‌କୁ ଧୋନିଙ୍କ ଅଲ୍‌ବିଦା

ଭିଡିଓରେ ଦେଲେ ଅବସରର ସଙ୍କେତ

ଆଇପିଏଲ୍‌ରୁ ମହେନ୍ଦ୍ର ସିଂହ ଧୋନିଙ୍କ ବିଦାୟ ନେଇ ଚାଲିଥିବା ଚର୍ଚ୍ଚାରେ ଅବସାନ ଘଟିଛି। ଚେନ୍ନାଇ ସୁପର କିଙ୍ଗ୍ସ ତାଙ୍କୁ ଦଳର ମେଣ୍ଟର ଭାବେ ନିଯୁକ୍ତ କରିବା ପରେ ମଙ୍ଗଳବାର ସନ୍ଧ୍ୟାରେ ଧୋନି ନିଜେ ଏକ ଭିଡିଓ ପୋଷ୍ଟ କରିଛନ୍ତି। ଏଥିରେ ତାଙ୍କ କ୍ରିକେଟ୍‌ ଜୀବନର ଅନେକ ସ୍ମରଣୀୟ ମୁହୂର୍ତ୍ତ ସ୍ଥାନ ପାଇଛି।

ଭିଡିଓରେ ଧୋନି ପୁଣିଥରେ ‘ମୈ ପଲ ଦୋ ପଲ କା ଶାୟର ହୁଁ’ ଗୀତକୁ ବାଛିଛନ୍ତି। ଅନ୍ତର୍ଜାତୀୟ କ୍ରିକେଟ୍‌ରୁ ଅବସର ଘୋଷଣା ବେଳେ ମଧ୍ୟ ସେ ଏହି ଗୀତର ଏକ ସଂସ୍କରଣ ବ୍ୟବହାର କରିଥିଲେ। ଏଥର କିନ୍ତୁ ଏହାର ଅନ୍ୟ ଏକ ସଂସ୍କରଣ ଶୁଣିବାକୁ ମିଳିଛି।

ପୋଷ୍ଟ ସହ ଧୋନି ଲେଖିଛନ୍ତି ଯେ ପ୍ରଶଂସକମାନେ ତାଙ୍କୁ ଭୁଲ ପ୍ରମାଣିତ କରିଛନ୍ତି। ଏହାକୁ ସ୍ୱୀକାର କରିବା ପାଇଁ ଏହି ଗୀତଠାରୁ ଭଲ ଆଉ କିଛି ହୋଇପାରିବ ନାହିଁ। ଗୀତର ଦୁଇଟି ସଂସ୍କରଣ ଥିବାରୁ ସେ ଭୁଲ କରି ପୁଣି ତାହାକୁ ସ୍ୱୀକାର କରିପାରୁଛନ୍ତି ବୋଲି ସେ ମଜାଳିଆ ଢଙ୍ଗରେ ଲେଖିଛନ୍ତି।

ଧୋନିଙ୍କ ଏହି ପୋଷ୍ଟକୁ ନେଇ ସୋସିଆଲ ମିଡିଆରେ ପ୍ରଶଂସକଙ୍କ ଭାବପ୍ରବଣ ପ୍ରତିକ୍ରିୟା ଦେଖିବାକୁ ମିଳିଛି। ତାଙ୍କୁ ଏକ ବିଦାୟୀ ମ୍ୟାଚ୍‌ରେ ଦେଖିବାକୁ ଚାହୁଁଥିବା ଅନେକ ପ୍ରଶଂସକ ନିରାଶ ହୋଇଛନ୍ତି। ଆଣ୍ଠୁଜନିତ ସମସ୍ୟା ଯୋଗୁଁ ଧୋନି ଆଉ ଖେଳ ଜାରି ରଖିପାରିବେ ନାହିଁ ବୋଲି ଚର୍ଚ୍ଚା ହେଉଛି।

Show More

Related Articles

Back to top button