୨୦୦୧ ମସିହାରେ ରିଲିଜ୍ ହୋଇଥିବା ଫିଲ୍ମ ‘ଗଦର-ଏକ ପ୍ରେମ କଥା’ ବକ୍ସ ଅଫିସରେ ଜବରଦସ୍ତ ହିଟ୍ ହୋଇଥିଲା। ଏହି ସିନେମାରେ ସନ୍ନି ଦେଓଲ ଏବଂ ଅମିଷା ପଟେଲ ମୁଖ୍ୟ ଭୂମିକାରେ ଅଭିନୟ କରିଥିଲେ। ନିର୍ମାତା ବର୍ତ୍ତମାନ ଏହି ଫିଲ୍ମର ଦ୍ୱିତୀୟ ଭାଗ ତିଆରି କରୁଛନ୍ତି। କିନ୍ତୁ ଫିଲ୍ମ ରିଲିଜ ହେବା ପୂର୍ବରୁ ବିବାଦ ମଧ୍ୟକୁ ଆସିଛି ଏବଂ ନିର୍ମାତାଙ୍କ ଉପରେ ଠକେଇ କରିଥିବାର ଅଭିଯୋଗ ହୋଇଛି। ଏହି ମାମଲା କଙ୍ଗଡାରେ ପାଲାମପୁରର ଭାଲେଡ ଗାଁର, ଯେଉଁଠାରେ ଫିଲ୍ମର ସୁଟିଂ ଚାଲିଥିଲା। ସୂଚନା ଅନୁଯାୟୀ, ଗତ ୧୦ ଦିନ ଧରି ଏହି ଫିଲ୍ମର ସୁଟିଂ ଚାଲିଥିଲା। ସନି ଦେଓଲ-ଅମିଷା ପଟେଲଙ୍କ ବ୍ୟତୀତ ବାକି ଷ୍ଟାର କାଷ୍ଟ ମଧ୍ୟ ଏଠାରେ ପହଞ୍ଚିଥିଲେ। ଗାଁର ଯେଉଁ ଘରେ ଏହି ଫିଲ୍ମର ସୁଟିଂ ଚାଲିଥିଲା ସେହି ଘରର ମାଲିକ ନିର୍ମାତାଙ୍କ ଉପରେ ଟଙ୍କା ନଦେବା ଏବଂ ସମ୍ପତ୍ତି ନଷ୍ଟ କରିଥିବାର ଅଭିଯୋଗ କରିଛନ୍ତି।
ଖବର ଅନୁଯାୟୀ, ଏହି ଫିଲ୍ମ ପାଇଁ କେବଳ ୩ ଟି ରୁମ୍ ଏବଂ ଗୋଟିଏ ହଲ୍ ଡିଲ୍ ହୋଇଥିଲା। ଅର୍ଥାତ୍ ନିର୍ମାତା ଶୁଟିଂ ପାଇଁ କେବଳ ଏହି ସ୍ଥାନଗୁଡିକ ବ୍ୟବହାର କରିପାରିବେ, ଯେଉଁଥିପାଇଁ ପ୍ରତିଦିନ ୧୧ ହଜାର ଟଙ୍କା ଦେବାକୁ ଚୁକ୍ତି ସ୍ଥିର କରାଯାଇଥିଲା। ଅଭିଯୋଗ ଅନୁଯାୟୀ, ନିର୍ମାତା ତାଙ୍କ ପୁରା ଘର, ବାକି ଜମି ଏବଂ ଜମି ମାଲିକଙ୍କ ଭାଇର ଘର ଫିଲ୍ମରେ ସୁଟିଂ ପାଇଁ ବ୍ୟବହାର କରିଥିଲେ। ଏନେଇ ଘରର ମାଲିକ ବହୁତ ରାଗିଯାଇଛନ୍ତି। ଯେତେବେଳେ ଜମି ମାଲିକ ପୁରା ବଜେଟ୍ ପ୍ରସ୍ତୁତ କରିଥିଲେ ଏବଂ କ୍ଷତି ସହିତ ୫୬ ଲକ୍ଷ ଟଙ୍କା ଫି କରିଥିଲେ ସେତେବେଳେ ଏହି ଘଟଣା ଗମ୍ଭୀର ହୋଇଗଲା। ଘରର ମାଲିକ କହିଛନ୍ତି, ଆମ ସହିତ ଧୋକା ହୋଇଛି ଏବଂ ଆମକୁ ଦିଆଯାଇଥିବା ପ୍ରତିଶ୍ରୁତି ପୂରଣ ହୋଇ ନାହିଁ। କମ୍ପାନୀ ଦ୍ୱାର ଦିଆଯାଇଥିବା ୧୧୦୦୦ କୁ ଆମେ ଫେରସ୍ତ କରିବାକୁ ଚାହୁଁଛୁ ଏବଂ ଆମେ ଅନୁରୋଧ କରୁଛୁ ଯେ ଆମ ଘରର ସୁଟ୍ ଫିଲ୍ମରେ ବ୍ୟବହାର କରାନଯାଉ।
