ପଶ୍ଚିମବଙ୍ଗରେ ମହିଳାଙ୍କ ଉପରେ ଘଟୁଥିବା ନିର୍ଯାତନା ସମୟରେ ମୁଖ୍ୟମନ୍ତ୍ରୀ ମମତା ବାନାର୍ଜୀ ନିରବ ରହିଥିଲେ ବୋଲି କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଶନିବାର ଆରୋପ କରିଛନ୍ତି।
ବାଙ୍କୁରା ଜିଲ୍ଲାର ଓଣ୍ଡାରେ ଏକ ନିର୍ବାଚନୀ ସଭାରେ ଶାହ କହିଥିଲେ ଯେ, ଆର୍.ଜି. କର୍ ମେଡିକାଲ୍ କଲେଜ୍ ଘଟଣା ଓ ସନ୍ଦେଶଖାଲି ଘଟଣା ସମୟରେ ସମଗ୍ର ଦେଶ ଲଜ୍ଜିତ ହୋଇଥିଲା। କିନ୍ତୁ ଏହି ସମୟରେ ରାଜ୍ୟ ସରକାର କୌଣସି ପଦକ୍ଷେପ ନେଇନଥିଲେ ବୋଲି ସେ କହିଛନ୍ତି।
ସେ ଆରୋପ କରିଥିଲେ ଯେ, ଶାସକ ତୃଣମୂଳ କଂଗ୍ରେସ ସମର୍ଥିତ ଦୁର୍ବୃତ୍ତମାନେ ମହିଳାଙ୍କୁ ନିର୍ଯାତନା ଦେଇଥିବା ସତ୍ତ୍ୱେ ସରକାର ଚୁପ୍ପି ରହିଥିଲା। ଏହା ସହିତ ଅନୁପ୍ରବେଶକମାନେ ମହିଳାଙ୍କ ପାଇଁ ଆତଙ୍କ ସୃଷ୍ଟି କରୁଛନ୍ତି ବୋଲି ସେ କହିଛନ୍ତି।
ଶାହ କହିଛନ୍ତି, ରାଜ୍ୟରେ ଭାଜପା ସରକାର ଗଠନ ହେଲେ ଏହି ସବୁ ଘଟଣାରେ ଜଡିତ ବ୍ୟକ୍ତିମାନଙ୍କୁ କଠୋର ଶାସନ ମିଳିବ। ତଥା ଗତ ୧୫ ବର୍ଷରେ ଘଟିଥିବା ନିର୍ବାଚନୀ ହିଂସାରେ ଭାଜପା କର୍ମୀଙ୍କ ହତ୍ୟା ଘଟଣାରେ ମଧ୍ୟ ଦୋଷୀମାନେ ଛାଡ଼ ପାଇବେ ନାହିଁ।
ସେ ମତଦାତାଙ୍କୁ ଭୟମୁକ୍ତ ଭାବେ ଭୋଟ ଦେବାକୁ ଆହ୍ୱାନ କରି କହିଛନ୍ତି ଯେ, ଭୋଟ ଦିନରେ କୌଣସି ଅସାମାଜିକ ତତ୍ତ୍ୱ ଅବରୋଧ ସୃଷ୍ଟି କରିପାରିବେ ନାହିଁ।
ଏହା ସହିତ ଅନୁପ୍ରବେଶକମାନେ ରାଜ୍ୟରେ ଚାକିରି ଓ ସମ୍ପଦ ଉପରେ ପ୍ରଭାବ ପକାଉଥିବା କହି ସେମାନଙ୍କ ବିରୋଧରେ କଠୋର ପଦକ୍ଷେପ ନିଆଯିବ ବୋଲି ଶାହ ସତର୍କ କରିଛନ୍ତି।
