ଟିବି ବିରୋଧୀ ଲଢେଇରେ ଓଡ଼ିଶା ପ୍ରତିବଦ୍ଧ: ବିଶ୍ୱ ଟ୍ୟୁବର୍କୁଲୋସିସ୍ ଦିବସରେ ଉପମୁଖ୍ୟମନ୍ତ୍ରୀଙ୍କ ବାର୍ତ୍ତା

ବିଶ୍ୱ ଟିବି ଦିବସ ୨୦୨୬ ଅବସରରେ ଓଡ଼ିଶାର ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂହଦେଓ ରାଜ୍ୟରେ ଟିବି ନିରାକରଣ ପାଇଁ ସରକାରଙ୍କ ଦୃଢ଼ ପ୍ରତିବଦ୍ଧତାକୁ ପୁନରୁଚ୍ଚାରଣ କରିଛନ୍ତି।
ସୋସିଆଲ୍‌ ମିଡିଆରେ ପ୍ରକାଶିତ ସନ୍ଦେଶରେ ସେ କହିଛନ୍ତି ଯେ, ଟିବି ମୁକ୍ତ ଓଡ଼ିଶା ଗଢ଼ି ତୋଳିବା ସହ ଲୋକମାନଙ୍କୁ ସଶକ୍ତ କରି ସ୍ୱସ୍ଥ ଭବିଷ୍ୟତ ନିର୍ମାଣ କରିବା ହେଉଛି ସରକାରଙ୍କ ଲକ୍ଷ୍ୟ।
ସେ ଏହି ରୋଗ ବିରୋଧରେ ସାମୁହିକ  ପ୍ରୟାସର ଆବଶ୍ୟକତା ଉପରେ ଜୋର ଦେଇ କହିଛନ୍ତି ଯେ, ସଚେତନତା, ଯଥାସମୟରେ ଚିକିତ୍ସା ଓ ଏକତ୍ରିତ ସଂକଳ୍ପ ମାଧ୍ୟମରେ ଏହି ନିୟନ୍ତ୍ରଣ ଯୋଗ୍ୟ ଓ ଚିକିତ୍ସାଯୋଗ୍ୟ ରୋଗକୁ ପରାସ୍ତ କରାଯାଇପାରିବ।
ସେ ଆହ୍ୱାନ କରିଛନ୍ତି ଯେ, ସମସ୍ତେ ସହଯୋଗର ସହିତ ଆଗେଇ ଆସି ଟିବି ନିରାକରଣ ପାଇଁ କାମ କରିବା ଆବଶ୍ୟକ, ଯାହା ମାଧ୍ୟମରେ ଆଗାମୀ ପିଢ଼ୀ ପାଇଁ ଏକ ସୁସ୍ଥ ଓ ସଶକ୍ତ ଓଡ଼ିଶା ଗଢ଼ି ତୋଳାଯିବ।