ଲୋକସଭାରେ ଦୁଇ-ତୃତୀୟାଂଶ ସମର୍ଥନ ନମିଳିବାରୁ ସଂବିଧାନ (୧୩୧ତମ ସଂଶୋଧନ) ବିଧେୟକ, ୨୦୨୬ ପାସ୍ ହୋଇପାରିନି। ଏହା ପରେ ଏନ୍ଡିଏ ଫ୍ଲୋର ଲିଡରମାନେ ବୈଠକ କରି ପ୍ରତିପକ୍ଷଙ୍କ ମହିଳା ସଶକ୍ତିକରଣ ପ୍ରତି ବିରୋଧକୁ ଦେଶବ୍ୟାପୀ ପ୍ରତିବାଦ ଉଠାଇବାକୁ ସିଦ୍ଧାନ୍ତ ନେଇଛନ୍ତି।
ସୂଚନା ଅନୁଯାୟୀ, ପ୍ରତିବାଦ, ପ୍ରେସ ସମ୍ମିଳନୀ ଓ ସୋସିଆଲ ମିଡିଆ ମାଧ୍ୟମରେ ଏହି ବିଷୟକୁ ଲୋକଙ୍କ ମଧ୍ୟରେ ପହଞ୍ଚାଯିବ। ବିଧେୟକରେ ଡିଲିମିଟେସନ ସହ ମହିଳା ଆରକ୍ଷଣକୁ ଜୋଡୀବାକୁ ପ୍ରତିପକ୍ଷ ଦଳମାନେ ବିରୋଧ କରିଥିଲେ।
୫୨୮ ସଦସ୍ୟଙ୍କ ଭୋଟିଂରେ ୨୯୮ ସମର୍ଥନ ଓ ୨୩୦ ବିରୋଧ ଭୋଟ ପଡ଼ିଥିଲା, ଯାହା ଆବଶ୍ୟକ ସୀମାରୁ କମ୍ ଥିଲା। ପରେ ସରକାର ଅନ୍ୟ ସମ୍ପର୍କିତ ବିଧେୟକଗୁଡ଼ିକୁ ଭୋଟିଂରେ ନ ରଖିବାକୁ ନିଷ୍ପତି ନେଇଥିଲେ।
ସେହିପରି, ୨୦୨୯ ଲୋକସଭା ନିର୍ବାଚନ ପୂର୍ବରୁ ମହିଳା ଆରକ୍ଷଣ କାର୍ଯ୍ୟକାରୀ କରିବାକୁ ସରକାର ପକ୍ଷରୁ ପ୍ରୟାସ ଜାରି ରହିଛି।
