ପଣା ସଂକ୍ରାନ୍ତି ଓ ଓଡ଼ିଆ ନବବର୍ଷରେ ପ୍ରଧାନମନ୍ତ୍ରୀଙ୍କ ଶୁଭେଚ୍ଛା

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପବିତ୍ର ମହା ବିଷୁବ ପଣା ସଂକ୍ରାନ୍ତି ଓ ଓଡ଼ିଆ ନବବର୍ଷ ଅବସରରେ ଓଡ଼ିଶାବାସୀ ଓ ସମଗ୍ର ଓଡ଼ିଆ ସମ୍ପ୍ରଦାୟକୁ ଆନ୍ତରିକ ଶୁଭେଚ୍ଛା ଜଣାଇଛନ୍ତି।
ତାଙ୍କ ଶୁଭେଚ୍ଛା ସନ୍ଦେଶରେ ପ୍ରଧାନମନ୍ତ୍ରୀ କହିଛନ୍ତି ଯେ ଏହି ପବିତ୍ର ପର୍ବ ଭକ୍ତି, ସମନ୍ୱୟ ଓ ଋତୁ ପରିବର୍ତ୍ତନର ସୁନ୍ଦର ପ୍ରତିଫଳନ। ପଣା ସଂକ୍ରାନ୍ତି ଓଡ଼ିଶାର ସମୃଦ୍ଧ ସଂସ୍କୃତି ଓ ପାରମ୍ପରିକ ଐତିହ୍ୟର ଜୀବନ୍ତ ପ୍ରତିକ ବୋଲି ସେ ଉଲ୍ଲେଖ କରିଛନ୍ତି।
ସେ ଆଗାମୀ ବର୍ଷ ପାଇଁ ସମସ୍ତଙ୍କ ଜୀବନରେ ଅସୀମ ସୁଯୋଗ ଓ ସଫଳତା ଆସୁଥିବାକୁ କାମନା କରିଛନ୍ତି। ଏହି ପବିତ୍ର ଅବସରରେ ସମସ୍ତଙ୍କ ଜୀବନରେ ଶାନ୍ତି, ସୁଖ ଓ ସମୃଦ୍ଧି ବିକାଶ ପାଉ ବୋଲି ସେ କାମନା କରିଛନ୍ତି।
ଏହା ସହିତ, ପ୍ରଧାନମନ୍ତ୍ରୀ ଉଲ୍ଲେଖ କରିଛନ୍ତି ଯେ ଏହି ପର୍ବ ସମାଜରେ ଏକତା, ସମନ୍ୱୟ ଓ ସାମୁହିକ ସମ୍ପର୍କକୁ ଆହୁରି ସୁଦୃଢ଼ କରିବ।