ଜୟପୁର: କେନ୍ଦ୍ର ପ୍ରତିରକ୍ଷାମନ୍ତ୍ରୀ ରାଜନାଥ ସିଂହ ଗୁରୁବାର ଜୟପୁର ଗସ୍ତ ସମୟରେ ‘ଅପରେସନ୍ ସିନ୍ଦୂର’ ଉପରେ ଆଧାରିତ ଏକ ଡକ୍ୟୁମେଣ୍ଟାରୀ ଉନ୍ମୋଚନ କରିଛନ୍ତି। ସେନା ଅଭିଯାନର ପ୍ରଥମ ବାର୍ଷିକୀ ଅବସରରେ ସାପ୍ତ ଶକ୍ତି କମାଣ୍ଡ ପକ୍ଷରୁ ଆୟୋଜିତ ଯୁକ୍ତ କମାଣ୍ଡର୍ସ ସମ୍ମିଳନୀରେ ୨୭ ମିନିଟ୍ର ଏହି ଡକ୍ୟୁମେଣ୍ଟାରୀ ପ୍ରଦର୍ଶିତ ହୋଇଥିଲା।
ଜୟପୁର ପହଞ୍ଚିବା ପରେ ରାଜସ୍ଥାନ ମୁଖ୍ୟମନ୍ତ୍ରୀ ଭଜନଲାଲ ଶର୍ମା ରାଜନାଥ ସିଂହଙ୍କୁ ସ୍ୱାଗତ କରିଥିଲେ। ଏହି ଅବସରରେ CDS ଜେନେରାଲ୍ ଅନିଲ ଚୌହାନ, ସେନାପ୍ରମୁଖ ଜେନେରାଲ୍ ଉପେନ୍ଦ୍ର ଦ୍ୱିବେଦୀ, ନୌସେନା ପ୍ରମୁଖ ଆଡ୍ମିରାଲ୍ ଦିନେଶ କେ. ତ୍ରିପାଠୀ ଓ ବାୟୁସେନା ପ୍ରମୁଖ ଏୟାର୍ ଚିଫ୍ ମାର୍ଶାଲ୍ ଅମର ପ୍ରୀତ ସିଂହ ମଧ୍ୟ ଉପସ୍ଥିତ ଥିଲେ।
ପ୍ରତିରକ୍ଷା ମନ୍ତ୍ରାଳୟ କହିଛି, ଏହି ଡକ୍ୟୁମେଣ୍ଟାରୀ ଭାରତୀୟ ସଶସ୍ତ୍ର ବାହିନୀର ସାହସ, କୌଶଳ ଓ ଦୃଢ଼ ସଂକଳ୍ପକୁ ପ୍ରତିଫଳିତ କରିଛି। ଏଥିରେ ସେନାର ସମନ୍ୱୟ, ଯୁଦ୍ଧକୌଶଳ ଓ ଅଭିଯାନର ସଫଳତାକୁ ଉଜାଗର କରାଯାଇଛି।
ଏହି କାର୍ଯ୍ୟକ୍ରମରେ ଜ୍ୟେଷ୍ଠ ସେନା ଅଧିକାରୀ ଓ ରାଜ୍ୟର ବିଭିନ୍ନ ଗଣ୍ୟମାନ୍ୟ ବ୍ୟକ୍ତି ଉପସ୍ଥିତ ଥିଲେ।
