ଦାନ୍ତେୱାଡା- ଛତିଶଗଡ଼ର ବସ୍ତର ଅଞ୍ଚଳର ଦାନ୍ତେଓ୍ଵାଡା-ବିଜାପୁର ସୀମାରେ ଜଙ୍ଗଲରେ ସୁରକ୍ଷାକର୍ମୀଙ୍କ ସହ ଗୁଳି ବିନିମୟରେ ୯ ଜଣ ନକ୍ସଲ ନିହତ ହୋଇଛନ୍ତି। ଦାନ୍ତେଓ୍ଵାଡା ଓ ବିଜାପୁର ଜିଲ୍ଲାର ସୀମାନ୍ତ ଅଞ୍ଚଳରେ ପଶ୍ଚିମ ବସ୍ତର ଡିଭିଜନରୁ ମାଓବାଦୀଙ୍କ ଉପସ୍ଥିତି ସମ୍ପର୍କରେ ସୂଚନା ଆଧାରରେ ମିଳିତ ପୁଲିସ ଟିମ୍ ତଲାସୀ ଅଭିଯାନ ଆରମ୍ଭ କରିବା ପରେ ସକାଳ ସାଢ଼େ ୧୦ଟାରେ ପୁଲିସ ଓ ନକ୍ସଲଙ୍କ ମଧ୍ୟରେ ଗୁଳି ବିନିମୟ ଆରମ୍ଭ ହୋଇଥିଲା। ନକ୍ସଲଙ୍କ ଠାରୁ ବିପୁଳ ସଂଖ୍ୟକ ଏସଏଲଆର ରାଇଫଲ, ୩୦୩ ରାଇଫଲ ଏବଂ ୩୧୫ ବୋର ରାଇଫଲ ଜବତ କରାଯାଇଛି। ଏହି ଅଭିଯାନରେ ନିୟୋଜିତ ସମସ୍ତ ସୁରକ୍ଷା ବାହିନୀ ଯବାନ ସୁରକ୍ଷିତ ଥିବା ସୂଚନା ମିଳିଛି। ଏବେ ସମ୍ପୃକ୍ତ ଅଞ୍ଚଳରେ ଚଢ଼ାଉ ଜାରି ରହିଛି ।
