ବଲାଙ୍ଗିର : ଶ୍ୱଶୁର ଘରକୁ ବୁଲିବାକୁ ଆସି ଟ୍ରେନ ଆଗକୁ ଡେଇଁ ଆତ୍ମହତ୍ୟା କରିଛନ୍ତି ଜ୍ୱାଇଁ । ଏଭଳି ଏକ ଅଭାବନୀୟ ଘଟଣା ଘଟିଛି ବଲାଙ୍ଗିର ଜିଲ୍ଲା ଲୋଇସିଂହା ଥାନା ବୁର୍ଡା ଗାଁରେ । ମୃତକ ହେଲେ ଗୁର୍ଜିଭଟା ଗାଁର ସନ୍ତୋଷ ସାହୁ । ସନ୍ତୋଷ ପ୍ରାୟ ୨ ବର୍ଷ ପୂର୍ବେ ନିକଟସ୍ଥ ବୁର୍ଡା ଗାଁରେ ବିବାହ କରିଥିବା ବେଳେ ତାଙ୍କର ବର୍ଷକର ଝିଅଟିଏ ଅଛି। କିଛି ଦିନ ପୂର୍ବେ ସନ୍ତୋଷ ନିଜ ପରିବାର ସହ ଶ୍ୱଶୁର ଘରକୁ ବୁଲି ଯାଇଥିଲେ। ଆଜି ସକାଳେ କାହାକୁ କିଛି ନ କହି ସେ ଘରୁ ବାହାରି ଯାଇଥିଲେ। ଏହାପରେ ଗାଁ ନିକଟସ୍ଥ ରେଳ ଧାରଣାକୁ ଯାଇ ସମ୍ୱଲପୁରରୁ ରାୟଗଡା ଯାଉଥିବା ତପସ୍ୱିନୀ ଏକ୍ସପ୍ରେସ ଆଗକୁ ଡେଇଁ ପଡିଥିଲେ । ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଥିଲା । ଜିଆରପି ଶବକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇବା ସହ ତଦନ୍ତ କରୁଛି ତେବେ କେଉଁ କାରଣରୁ ସନ୍ତୋଷ ଆତ୍ମହତ୍ୟା କଲେ ତାହା ଜଣାପଡିନାହିଁ । କିଛି ଦିନ ହେଲା ସନ୍ତୋଷ ମାନସିକ ଅବସାଦରେ ଥିବା ଏବଂ ଡାକ୍ତରଙ୍କ ପରାମର୍ଶରେ ଔଷଧ ଖାଉଥିଲେ ବୋଲି ସୂଚନାମିଳିଛି ।
