କୃଷ୍ଣପ୍ରସାଦ : ହଷ୍ଟେଲ ଛାତ୍ରୀଙ୍କୁ ଦୁଷ୍କର୍ମ ଅଭିଯୋଗ । ପୁରୀ ଜିଲ୍ଲା କୃଷ୍ଣପ୍ରସାଦ ବ୍ଲକର ଗିଲିନାସୀ ହାଇସ୍କୁଲରେ ଦଶମ ଶ୍ରେଣୀ ଛାତ୍ରୀକୁ ଦୁଷ୍କର୍ମ । ଏନେଇ କୃଷ୍ଣପ୍ରସାଦ ଥାନାରେ ଅଭିଯୋଗ ହୋଇଛି ।
ମିଳିଥିବା ଖବର ଅନୁଯାୟୀ , ଗତକାଲି ବିଳମ୍ବିତ ରାତିରେ ହଷ୍ଟେଲ ଠାରୁ ଦୂରରେ ଥିବା ପରିସ୍ରାଗାରକୁ ଯାଇଥିଲେ ସରକାରୀ ଆବାସିକ ସ୍କୁଲ ହଷ୍ଟେଲରେ ରହୁଥିବା ଜଣେ ଛାତ୍ରୀ । ଏହି ସମୟରେ ପରିସ୍ରାଗାର ପଛପଟେ ଲୁଚି ରହିଥିଲେ ଦୁଇ ଦୁର୍ବୁର୍ତ୍ତ । ଏହି ଦୁଇ ଯୁବକ ହେଲେ ବଦ୍ରି ପ୍ରଧାନ ଓ ଭାଗିରଥି ଗୌଡୁ । ଛାତ୍ରୀ ଜଣକ ଏକା ଥିବାର ଦେଖି ଦୁର୍ବୁର୍ତ୍ତ ଛାତ୍ରୀଙ୍କ ଦୁଇହାତକୁ ଭିଡି ମୁହଁକୁ ଜାବୁଡି ପାଖ ଜଙ୍ଗଲକୁ ଟେକି ନେଇ ଦୁଷ୍କର୍ମ କରିଥିଲେ । ଏନେଇ ଛାତ୍ରୀଙ୍କ ମା ମିନାକ୍ଷୀ ପ୍ରଧାନ କୃଷ୍ଣପ୍ରସାଦ ଥାନାରେ ଅଭିଯୋଗ କରିଛନ୍ତି । ଅଭିଯୋଗ ପରେ କୃଷ୍ଣପ୍ରସାଦ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି |
