ସମୁଦ୍ରରେ ଭାସିଯାଇଥିବା ବଂଶୀଧର ବେହେରାଙ୍କ ନିଖୋଜ ଥିବା ମୃତ ଦେହ ଆଜି ଉଦ୍ଧାର

ଶନିବାର ସକାଳେ ବାଲେଶ୍ୱର ସିଙ୍ଗଳା ଥାନା ଅଞ୍ଚଳର ବଂଶୀଧର ବେହେରା ପରିବାର ସହ ପୁରୀ ବୁଲିବାକୁ ଆସିଥିଲେ । ସେ ସମୁଦ୍ରକୂଳରେ ନିଜ ପୁଅ ସହ ଗାଧୋଇବା ସମୟରେ ପାଣିରେ ଭାସି ଯାଇଥିଲେ । ପୁରୀ ସମୁଦ୍ରକୂଳ ସେକ୍ଟର ୯ ଅଞ୍ଚଳରେ ଏପରି ଅଘଟଣ ଘଟିଥିଲା । ଅଗ୍ନିସମ ବାହିନୀ ଓ ଲାଇଫ ଗାର୍ଡ ଦୀର୍ଘ ସମୟ ଧରି ଖୋଜାଖୋଜି କରିଥିଲେ । ହେଲେ ବଂଶୀଧରଙ୍କ ପତ୍ତା ମିଳିନଥିଲା ।ଆଜି ଚନ୍ଦ୍ରଭାଗା ନିକଟରୁ ବଂଶୀଧରଙ୍କ ମୃତଦେହ ଉଦ୍ଧାର କରାଯାଇଛି ।