ମଧ୍ୟପ୍ରଦେଶର ବରୱାନୀ ଜିଲ୍ଲାରେ ଏକ ବରଯାତ୍ରୀ ବସ ଓ ବାଇକ୍ ମଧ୍ୟରେ ଧକ୍କା ହୋଇ ୨ ଜଣଙ୍କର ମୃତ୍ୟୁ ହୋଇଥିବା ବେଳେ ୯ ଜଣ ଆହତ ହୋଇଛନ୍ତି । ଏହି ଦୁର୍ଘଟଣା ବରୱାନୀର ଜୁଲବାନିୟା ଥାନା ଅନ୍ତର୍ଗତ ଖଣ୍ଡବା ବଡୋଦରା ମାର୍ଗରେ ହୋଇଥିବା ନେଇ ଖବର ମିଳିଛି । ମୃତକଙ୍କ ମଧ୍ୟରେ ବନବିଭାଗର ବନପାଳ ରହିଛନ୍ତି ବୋଲି ଜଣାପଡିଥିବା ବେଳେ ୯ ଜଣ ବରଯାତ୍ରୀ ଆହତ ହୋଇଛନ୍ତି । ଆହତଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ଖବର ପାଇ ପୋଲିସ ଓ ଉଦ୍ଧାରକାରୀ ଦଳ ଘଟଣା ସ୍ଥଳରେ ପହଞ୍ଚି ସଭିଁଙ୍କୁ ଉଦ୍ଧାର କରିବା ସହ ତଦନ୍ତ ଆରମ୍ଭ କରିଛନ୍ତି ।
