ବନ୍ଧୁକ ମୁନରେ ମହିଳାଙ୍କ ବେକରୁ ସୁନା ଚେନ୍ ଝାମ୍ପିନେଲେ ଲୁଟେରା । ଏଭଳି ଘଟଣା ଘଟିଛି ରାଜଧାନୀ ଭୂବନେଶ୍ୱର ଜୟଦେବ ବିହାରରେ । ନବରଙ୍ଗପୁରର ଏକ ଦମ୍ପତ୍ତି ଜୟଦେବ ବିହାର ସ୍ଥିତ ହୋଟେଲକୁ ଫେରୁଥିବା ବେଳେ ଏହି ଲୁଟର ଶିକାର ହୋଇଛନ୍ତି ।
ଗତ ମଙ୍ଗଳବାର ରାତିରେ ନବରଙ୍ଗପୁରର ପଙ୍କଜ ଅଗ୍ରୱାଲ ଦୁଇ ଛୁଆ ଏବଂ ପତ୍ନୀ ଆଇଡିବିଆଇ ବ୍ୟାଙ୍କ ସାମ୍ନାରେ ଯାଉଥିବା ବେଳେ ହଠାତ କିଛି ଦୁର୍ବୃତ୍ତ ବାଇକରେ ଆସି ବନ୍ଧୁକ ଦେଖାଇ ମହିଳାଙ୍କ ବେକରୁ ସୁନା ଚେନ୍ ଝାମ୍ପି ନେଇଥିଲେ । ଏହି ସମୟରେ ପ୍ରତିବାଦ କରିବାରୁ ମହିଳାଙ୍କୁ ଘୋଷାଡି ନେଇଥିଲେ ଦୁର୍ବୃତ୍ତ । ଖବର ପାଇ ଘଟଣାସ୍ଥଳରେ ପୋଲିସ ଏବଂ ସ୍ପେଶାଲ ସ୍କାର୍ଡ ପହଞ୍ଚି ତଦନ୍ତ ଜାରି ରଖିଛନ୍ତି ।
