ହ୍ରାସ ପାଇଲା ସୋରିଷତେଲ ଦର

ହ୍ରାସ ପାଇଲା ସୋରିଷତେଲ ଦର । ଦୀର୍ଘଦିନ ହେବ ଏହି ସୋରିଷତେଲ ଦରରେ କୌଣସି ପରିବର୍ତ୍ତନ ହୋଇନଥିଲା । ୨୦୦ ଟଙ୍କା ପାର କରିଥିଲା ଲିଟରପିଛା ଦର । ତେବେ ଗତ କିଛି ଦିନ ହେଲା ଲଗାତାର ମୂଲ୍ୟ ହ୍ରାସ ଏବେ ଗ୍ରାହକଙ୍କୁ ସାମାନ୍ୟ ଆଶ୍ୱସ୍ଥ କରିଛି ।

କମଡିଟି ଅନଲାଇନ ଡଟକମ ଅନୁସାରେ , ରାଜ୍ୟରେ ଅଗଷ୍ଟ ୩୧ ତାରିଖ ଦିନ ପ୍ରତି ଲିଟର ସୋରିଷ ତେଲ ୧୭୧ ଟଙ୍କା ଦରରେ ବିକ୍ରି ହୋଇଥିଲା। ସେହିପରି ଆଜି ଉତ୍ତରପ୍ରଦେଶରେ ସୋରିଷ ତେଲର ପାଇକାରୀ ଦର ପ୍ରତି ଲିଟର ଏବେ ୧୫୪ ଟଙ୍କାରେ ବିକ୍ରି ହେଉଛି। ବିହାରରେ ସୋରିଷ ତେଲ ଲିଟର ପିଛା ୧୭୫ ଟଙ୍କା ଦରରେ ମିଳୁଥିବା ଜଣାପଡିଛି। କିଛି ମାସ ଆଗରୁ ଦେଶରେ ସୋରିଷ ତେଲ ଲିଟର ପିଛା ଦର ୨୧୦ ଟଙ୍କାକୁ ପହଞ୍ଚିଥିଲା। ଗତ କିଛି ସମୟ ହେଲା ଦେଶରେ ସୋରିଷର ଦର ମଧ୍ୟ ହ୍ରାସ ହୋଇଛି।