ଗଙ୍ଗାନଦୀରେ ବୁଡିଲା ଡଙ୍ଗା । ବିହାର ଗଙ୍ଗା ନଦୀରେ ଡଙ୍ଗା ବୁଡ଼ି ୧୦ ନିଖୋଜ । ଏଭଳି ଅଘଟଣ ଘଟିଛି ଶାହାପୁର ଥାନା ଦାନପୁର ନିକଟରେ । ମୋଟ ଲୋକଙ୍କ ମଧ୍ୟରୁ ୪୦ରୁ ଉର୍ଦ୍ଧ୍ୱ ଯାତ୍ରୀଙ୍କୁ ସୁରକ୍ଷିତ ଉଦ୍ଧାର କରାଯାଇଥିବାବେଳେ ଏବେବି ୮ରୁ ୧0 ଜଣ ନିଖୋଜ ଅଛନ୍ତି । ଏନଡିଆଏଫ ଦ୍ୱାରା ଉଦ୍ଧାର କାର୍ଯ୍ୟ ଜାରି ରହିଛି ।
ଦାନପୁର ଏସଡିଏମଙ୍କ ପକ୍ଷରୁ ମିଳିଥିବା ସୂଚନା ଅନୁଯାୟୀ,ଗତକାଲି ଦାନପୁର ଅଞ୍ଚଳ ଲୋକେ ନଦୀର ଅପରପାର୍ଶ୍ୱକୁ କାମ କରିବାକୁ ଯାଇଥିଲେ । ଆଜି ଭୋର ସମୟ ପ୍ରାୟ ୫ଟା ୩0ରେ ସେଠାରୁ ଫେରିବା ବେଳେ ନଦୀ ମଝିରେ ଭାରସାମ୍ୟ ହରାଇ ଡଙ୍ଗାଟି ଓଲଟି ପଡିଥିଲା । ଏହି ଡଙ୍ଗାରେ ପ୍ରାୟ ୫୦ ରୁ ୫୪ ଜଣ ଯାତ୍ରୀ ଥିଲେ । ଖବର ପାଇ ଶାହପୁର ଓ ମନେର ଥାନା ଅଧିକାରୀ ଓ ଅଗ୍ନିଶମ କର୍ମଚାରୀ ପହଞ୍ଚି ଉଦ୍ଧାର କାର୍ଯ୍ୟକୁ ଜୋରଦାର କରିଛନ୍ତି । ସଙ୍ଗେ ସଙ୍ଗେ ପ୍ରାୟ ୪୦ରୁ ଊର୍ଦ୍ଧ୍ୱ ଯାତ୍ରୀଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଛି । ହେଲେ ଏବେ ବି ୧୦ରୁ ଅଧିକ ଲୋକଙ୍କ କୌଣସି ଖବର ମିଳିନାହିଁ । ବରିଷ୍ଠ ପୋଲିସ୍ ଓ ପ୍ରଶାସନିକ ଅଧିକାରୀ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟକୁ ତଦାରଖ କରୁଛନ୍ତି ।
