ଆସାମ ବିଧାନସଭା ନିର୍ବାଚନକୁ ନଜରରେ ରଖି ରାହୁଲ ଗାନ୍ଧୀ ଗୁରୁବାର କଂଗ୍ରେସ ଦଳର ଇସ୍ତାହାର ଜାରି କରିଛନ୍ତି। ଏଥିରେ ମୋଟ ୧୧ଟି ସଂକଳ୍ପନାମା ରହିଥିବା ସୂଚନା ମିଳିଛି।
ଏହି ଇସ୍ତାହାରରେ ଶାସନ ବ୍ୟବସ୍ଥା, ପରିଚୟ, ଭିତ୍ତିଭୂମି ବିକାଶ, ଉଦ୍ୟୋଗୀକରଣ, କୃଷି, ଗ୍ରାମୀଣ ଓ ସହରୀୟ ବିକାଶ, ଜଳବାୟୁ ପରିବର୍ତ୍ତନ, ସ୍ୱାସ୍ଥ୍ୟସେବା ଏବଂ ଆସାମର ସୁରକ୍ଷା ପରି ବିଭିନ୍ନ କ୍ଷେତ୍ରକୁ ଆବହଳା କରାଯାଇଛି।
ବୋକାଜାନ୍ରେ ଆୟୋଜିତ ଏକ ନିର୍ବାଚନୀ ସଭାରେ ରାହୁଲ ଗାନ୍ଧୀଙ୍କ ସହ ଗୌରବ ଗୋଗୋଇ ଓ ଅନ୍ୟ ବରିଷ୍ଠ ନେତାମାନେ ଏହି ଇସ୍ତାହାରକୁ ଉନ୍ମୋଚନ କରିଥିଲେ।
ଏହାପୂର୍ବରୁ ମଲ୍ଲିକାର୍ଜୁନ ଖାର୍ଗେ ଆସାମ ଗସ୍ତ ସମୟରେ କଂଗ୍ରେସର ୫ଟି ମୁଖ୍ୟ ଗ୍ୟାରେଣ୍ଟି ଘୋଷଣା କରିଥିଲେ। ସେଥିରେ ମହିଳା କଲ୍ୟାଣ, ସମସ୍ତଙ୍କ ପାଇଁ ସ୍ୱାସ୍ଥ୍ୟସେବା, ଜମି ଅଧିକାର ଓ ଅନ୍ୟାନ୍ୟ ସାମାଜିକ ସୁରକ୍ଷା ବିଷୟ ସାମିଲ ଅଛି।
ଇସ୍ତାହାରରେ ମହିଳାଙ୍କୁ ଆର୍ଥିକ ସହାୟତା ଦେବା ସହ ବ୍ୟବସାୟ ବୃଦ୍ଧି ପାଇଁ ଅତିରିକ୍ତ ୫୦,୦୦୦ ଟଙ୍କା ଯୋଗାଇ ଦିଆଯିବ ବୋଲି ପ୍ରତିଶ୍ରୁତି ଦିଆଯାଇଛି।
