ନୋଏଡା: ଯାତ୍ରୀମାନଙ୍କ ପାଇଁ ଏକ ଖୁସି ଖବର। ନୋଏଡା ଅନ୍ତର୍ଜାତୀୟ ବିମାନ ବନ୍ଦରରୁ ଆସନ୍ତା ଜୁନ୍ ୧୫ ତାରିଖରୁ କମର୍ସିଆଲ୍ ବିମାନ ସେବା ଆରମ୍ଭ ହେବ। ବିମାନବନ୍ଦର କର୍ତ୍ତୃପକ୍ଷ ଏନେଇ ସୂଚନା ଦେଇଛନ୍ତି।
ଏହା ଉତ୍ତର ପ୍ରଦେଶର ବହୁ ପ୍ରତୀକ୍ଷିତ ଗ୍ରୀନଫିଲ୍ଡ ବିମାନ ପ୍ରକଳ୍ପରେ ଏକ ମହତ୍ୱପୂର୍ଣ୍ଣ ମାଇଲଖୁଣ୍ଟ ବୋଲି ମନାଯାଉଛି। ପ୍ରଥମେ ଇଣ୍ଡିଗୋ ପକ୍ଷରୁ ବିମାନ ସେବା ଆରମ୍ଭ ହେବ, ପରେ ଆକାଶ ଏୟାର ଏବଂ ଏୟାର ଇଣ୍ଡିଆ ଏକ୍ସପ୍ରେସ୍ ବିମାନ ମଧ୍ୟ ସେବା ଆରମ୍ଭ କରିବେ।
ବିମାନବନ୍ଦରରେ ଏକ ରନୱେ ଓ ଆଧୁନିକ ଯାତ୍ରୀ ଟର୍ମିନାଲ ପ୍ରସ୍ତୁତ ହୋଇଛି। ଏହି ପ୍ରକଳ୍ପର ଉଦଘାଟନ ନରେନ୍ଦ୍ର ମୋଦିଙ୍କ ଦ୍ୱାରା କରାଯାଇଥିଲା।
ଏହି ବିମାନବନ୍ଦର ବୃହତ୍ତର ଦିଲ୍ଲୀ ଅଞ୍ଚଳ ସହିତ ପଶ୍ଚିମ ଉତ୍ତର ପ୍ରଦେଶକୁ ଦେଶୀୟ ଓ ଆନ୍ତର୍ଜାତୀୟ ଗନ୍ତବ୍ୟସ୍ଥଳ ସହ ଯୋଡ଼ିବ। ବର୍ତ୍ତମାନ ଏହାର ବାର୍ଷିକ କ୍ଷମତା ୧୨ ମିଲିୟନ୍ ଯାତ୍ରୀ ରହିଥିବା ବେଳେ, ପର୍ଯ୍ୟାୟକ୍ରମେ ଏହାକୁ ୭୦ ମିଲିୟନ୍ ଅଧିକ ଯାତ୍ରୀ ପର୍ଯ୍ୟନ୍ତ ବୃଦ୍ଧି କରିବାର ପ୍ରସ୍ତୁତି ରହିଛି।
