କୋଲକାତା: ପଶ୍ଚିମବଙ୍ଗରେ ପ୍ରଥମଥର ପାଇଁ ବିଜେପି ସରକାର ଗଠନ ପରେ ନବନିଯୁକ୍ତ ମନ୍ତ୍ରୀ ଅଗ୍ନିମିତ୍ରା ପଲ୍ ତୃଣମୂଳ କଂଗ୍ରେସ ସରକାର ଉପରେ କଟୁ ଆକ୍ରମଣ କରିଛନ୍ତି। ସେ କହିଛନ୍ତି ଯେ, ବଙ୍ଗ ‘ପଶ୍ଚିମ ବାଂଲାଦେଶ’ରେ ପରିଣତ ହେବାରୁ ବଞ୍ଚିଯାଇଛି ଏବଂ ଡ଼. ଶ୍ୟାମା ପ୍ରସାଦ ମୁଖାର୍ଜୀଙ୍କ ସ୍ୱପ୍ନ ସାକାର ହୋଇଛି।
ଶନିବାର ଶୁଭେନ୍ଦୁ ଅଧିକାରୀଙ୍କ ନେତୃତ୍ୱରେ ଗଠିତ ପ୍ରଥମ ବିଜେପି ସରକାରରେ ଅଗ୍ନିମିତ୍ରା ପଲ୍ ମନ୍ତ୍ରୀ ଭାବେ ଶପଥ ନେଇଥିଲେ। ଶପଥ ପରେ ସେ କହିଥିଲେ ଯେ, ବର୍ଷକାଳ ଧରି ବିଜେପି କର୍ମୀମାନେ ରାଜନୈତିକ ହିଂସା, ମାମଲା ଓ ନିର୍ଯାତନାର ସମ୍ମୁଖୀନ ହୋଇଛନ୍ତି।
ସେ ଅଭିଯୋଗ କରିଥିଲେ ଯେ, ତୃଣମୂଳ ସରକାର ତୁଷ୍ଟିକରଣ ରାଜନୀତି କରୁଥିଲା। ତେବେ ଲୋକମାନେ ବିକାଶ ଓ ପରିବର୍ତ୍ତନ ପକ୍ଷରେ ମତ ଦେଇ ବିଜେପିକୁ ସମର୍ଥନ କରିଛନ୍ତି।
ଅଗ୍ନିମିତ୍ରା ପଲ୍ କହିଛନ୍ତି, “ଆଜିର ଦିନ ବଙ୍ଗ ରାଜନୀତିରେ ଐତିହାସିକ। ଡ଼. ଶ୍ୟାମା ପ୍ରସାଦ ମୁଖାର୍ଜୀଙ୍କ ଆଦର୍ଶ ଅନୁଯାୟୀ ନୂଆ ବଙ୍ଗ ଗଢ଼ାଯିବ।”
