ଟ୍ରେନ୍ରେ ମୋବାଇଲ୍ ସ୍ପିକରରେ ଜୋର୍ରେ ଗୀତ ବଜାଇବା କିମ୍ବା ରିଲ୍ସ ଓ ଭିଡିଓ ଚଲାଇ ଅନ୍ୟ ଯାତ୍ରୀଙ୍କୁ ହଇରାଣ କରିବା ଏଣିକି ମହଙ୍ଗା ପଡ଼ିପାରେ। ରେଳଯାତ୍ରା ସମୟରେ ଶାନ୍ତି ଓ ଶୃଙ୍ଖଳା ବଜାୟ ରଖିବାକୁ ଦକ୍ଷିଣ ରେଳବାଇ ନିଜର ସମସ୍ତ ଡିଭିଜନ୍କୁ କଡ଼ା ନିର୍ଦ୍ଦେଶ ଦେଇଥିବା ରିପୋର୍ଟରେ ପ୍ରକାଶ ପାଇଛି।
ରିପୋର୍ଟ ଅନୁସାରେ, ଟ୍ରେନ୍ ଭିତରେ ଉଚ୍ଚ ସ୍ୱରରେ ଗୀତ ବଜାଇବା, ଭିଡିଓ ଦେଖିବା କିମ୍ବା ଫୋନ୍ରେ ଜୋର୍ରେ କଥା ହେବା ଦ୍ୱାରା ଅନ୍ୟ ଯାତ୍ରୀଙ୍କୁ ଅସୁବିଧା ହେଲେ ରେଳବାଇ ପକ୍ଷରୁ ପଦକ୍ଷେପ ନିଆଯାଇପାରେ। ରେଳ ଆଇନର ଧାରା ୧୪୫(୨) ଅନୁଯାୟୀ ୫,୦୦୦ ଟଙ୍କା ପର୍ଯ୍ୟନ୍ତ ଜରିମାନା ହୋଇପାରେ ବୋଲି ଦାବି କରାଯାଇଛି।
ସେହିପରି, ଜନ ବିଶ୍ୱାସ ଆଇନ ଅଧୀନରେ ସଂଶୋଧିତ ନିୟମ ଜୁନ୍ ୧୯ରୁ ଲାଗୁ ହୋଇଥିବା ରିପୋର୍ଟରେ ଉଲ୍ଲେଖ ରହିଛି। ଟ୍ରେନ୍ କିମ୍ବା ଷ୍ଟେସନ୍ ପରିସରରେ ବିଶୃଙ୍ଖଳା ସୃଷ୍ଟି କରିବା ଘଟଣାରେ ୧,୦୦୦ ଟଙ୍କା ଜରିମାନା ସମେତ ଅନ୍ୟାନ୍ୟ କାର୍ଯ୍ୟାନୁଷ୍ଠାନ ହୋଇପାରେ।
ବୟସ୍କ ବ୍ୟକ୍ତି, ଛୋଟ ପିଲା, ରୋଗୀ ଓ ଅନ୍ୟ ସହଯାତ୍ରୀଙ୍କ ଯାତ୍ରାକୁ ସୁବିଧାଜନକ କରିବା ଏହି ପଦକ୍ଷେପର ମୁଖ୍ୟ ଉଦ୍ଦେଶ୍ୟ। ତେଣୁ ଟ୍ରେନ୍ରେ ଗୀତ ଶୁଣିବା କିମ୍ବା ଭିଡିଓ ଦେଖିବା ସମୟରେ ଇୟରଫୋନ୍ ବ୍ୟବହାର କରିବା ସହ ଫୋନ୍ରେ କଥା ହେବାବେଳେ ସ୍ୱର ଧୀର ରଖିବାକୁ ଯାତ୍ରୀଙ୍କୁ ପରାମର୍ଶ ଦିଆଯାଇଛି।
