ଗାନ୍ଧୀନଗର/ନୂଆଦିଲ୍ଲୀ: ଗୁଜରାଟର ସ୍ଥାନୀୟ ନିର୍ବାଚନରେ ଭାରତୀୟ ଜନତା ପାର୍ଟି (ବିଜେପି) ସମସ୍ତ ସ୍ତରରେ ଭାରି ଆଗୁଆ ହୋଇଥିବା ବେଳେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏହାକୁ ଲୋକମାନଙ୍କ ଦୃଢ ସମର୍ଥନର ପ୍ରତିଫଳ ବୋଲି କହିଛନ୍ତି।
ସେ କହିଛନ୍ତି ଯେ, ଗୁଜରାଟ ଓ ବିଜେପି ମଧ୍ୟରେ ସମ୍ପର୍କ ଆହୁରି ମଜବୁତ ହୋଇଛି ଏବଂ ଏହି ଫଳାଫଳ “ସୁଶାସନର ରାଜନୀତି” ପ୍ରତି ଜନମତକୁ ପ୍ରକାଶ କରୁଛି। ମୋଦୀ ମତଦାତାଙ୍କୁ ଧନ୍ୟବାଦ ଜଣାଇ କହିଛନ୍ତି ଯେ, ବିଜେପି ଆଗାମୀଦିନରେ ମଧ୍ୟ ରାଜ୍ୟର ଉନ୍ନତି ପାଇଁ କାମ କରିବ।
ପ୍ରାପ୍ତ ତଥ୍ୟ ଅନୁଯାୟୀ, ନଗର ନିଗମ, ନଗରପାଳିକା, ଜିଲ୍ଲା ପରିଷଦ ଓ ତାଲୁକା ପଞ୍ଚାୟତ ସମେତ ସମସ୍ତ ସ୍ତରରେ ବିଜେପି ଆଗରେ ରହିଛି। ବିଶେଷକରି ଜିଲ୍ଲା ପରିଷଦ ଓ ନଗର ନିଗମରେ ଦଳର ପ୍ରଭାବଶାଳୀ ପ୍ରଦର୍ଶନ ଦେଖିବାକୁ ମିଳିଛି।
ଏହି ନିର୍ବାଚନ ଫଳାଫଳକୁ ଗୁଜରାଟର ଗ୍ରାମୀଣ ଓ ସହର ତଳସ୍ତରରେ ବିଜେପିର ମଜବୁତ ପକ୍ଷ ସୂଚକ ଭାବେ ଦେଖାଯାଉଛି। ଗଣନା ପ୍ରକ୍ରିୟା ଚାଲିଥିବା ବେଳେ ଶେଷ ଫଳାଫଳ ରାଜ୍ୟ ନିର୍ବାଚନ ଆୟୋଗ ପକ୍ଷରୁ ଘୋଷଣା କରାଯିବ।
