ନୂଆଦିଲ୍ଲୀ:ଦିଲ୍ଲୀର ଦ୍ୱାରକା ଅଞ୍ଚଳର ଜାଫରପୁର କଲୋନୀରେ ରବିବାର ପ୍ରଭାତରେ ଜଣେ ପୋଲିସ କର୍ମଚାରୀଙ୍କ ଗୁଳିକାଣ୍ଡରେ ୨୧ ବର୍ଷୀୟ ଖାଦ୍ୟ ଡେଲିଭେରୀ କର୍ମୀ ପାଣ୍ଡବ କୁମାରଙ୍କ ମୃତ୍ୟୁ ଘଟିଛି ଓ ତାଙ୍କ ସାଙ୍ଗ କୃଷ୍ଣ ଆହତ ହୋଇଛନ୍ତି।
ଦୁହେଁ ଜନ୍ମଦିନ ପାର୍ଟିରୁ ଫେରି ରାସ୍ତାରେ କଥାହେଉଥିବା ବେଳେ ପଡ଼ୋଶୀ ପୋଲିସ କର୍ମଚାରୀ ନୀରଜ ସହିତ ସାଧାରଣ ବିବାଦ ହୋଇଥିଲା। ହଠାତ୍ ସେ ଗୁଳି ଚଳାଇବାରୁ ପାଣ୍ଡବ ଘଟଣାସ୍ଥଳରେ ଗୁରୁତର ଆହତ ହୋଇଥିଲେ। ହସ୍ପିଟାଲରେ ତାଙ୍କୁ ମୃତ ଘୋଷଣା କରାଯାଇଛି।
ଆହତ କୃଷ୍ଣଙ୍କ ଚିକିତ୍ସା ଚାଲିଛି। ଘଟଣା ପରେ ଅଭିଯୁକ୍ତ ପଳାଇଯାଇଥିବା ବେଳେ ପୋଲିସ ତାଙ୍କୁ ଧରିବା ପାଇଁ ତଲାଶି ଜାରି ରଖିଛି।
ପରିବାର ପକ୍ଷରୁ ଅଭିଯୋଗ ହୋଇଛି ଯେ ଅଭିଯୁକ୍ତ ମଦ୍ୟପାନ ଅବସ୍ଥାରେ ଥିଲେ ଏବଂ କୌଣସି ଉତ୍ତେଜନା ବିନା ଗୁଳି ଚଳାଇଥିଲେ। ଘଟଣାକୁ ନେଇ ସ୍ଥାନୀୟ ଲୋକ ନ୍ୟାୟ ଦାବି କରିଛନ୍ତି।
