ଦେବଗଡ଼:ଦେବଗଡ଼ ଜିଲ୍ଲାରେ ଶନିବାର ପ୍ରାୟ ୨୮୦ କୋଟି ଟଙ୍କାର ୧୨୪ଟି ପ୍ରକଳ୍ପର ଉଦ୍ଘାଟନ ଓ ଶିଳାନ୍ୟାସ କରାଯାଇଛି। ଏହା ଜିଲ୍ଲାର ଅବସ୍ଥାପନା, ଶିକ୍ଷା ଓ ସାମାଜିକ-ଆର୍ଥିକ ଉନ୍ନତିକୁ ଗତି ଦେବ ବୋଲି କୁହାଯାଉଛି।
ମୋଟ ପ୍ରକଳ୍ପମାନଙ୍କ ମଧ୍ୟରୁ ୬୩ଟି (୧୩୦.୭୯ କୋଟି) ପ୍ରକଳ୍ପର ଉଦ୍ଘାଟନ ହୋଇଥିବା ବେଳେ ୬୧ଟି (୧୪୭.୭୦ କୋଟି) ପ୍ରକଳ୍ପର ଶିଳାନ୍ୟାସ ହୋଇଛି।
ଏହି ପ୍ରକଳ୍ପଗୁଡ଼ିକ ଫଳରେ ରୋଜଗାର ସୃଷ୍ଟି, ଯାତାୟାତ ସୁବିଧା ବୃଦ୍ଧି ଓ ମୌଳିକ ସେବାର ସୁଧାର ହେବ ବୋଲି ଆଶା କରାଯାଉଛି।
ଏହା ସହ ଦେବଗଡ଼ରେ ପ୍ରାୟ ୩୧.୪୦ କୋଟି ଟଙ୍କା ବ୍ୟୟରେ ନିର୍ମିତ କେନ୍ଦ୍ରୀୟ ବିଦ୍ୟାଳୟର ସ୍ଥାୟୀ କ୍ୟାମ୍ପସ ଉଦ୍ଘାଟନ ହୋଇଛି। ୯.୨୨ ଏକର ଜମିରେ ବିସ୍ତୃତ ଏହି କ୍ୟାମ୍ପସରେ ୪୫ଟି କକ୍ଷ, ସ୍ମାର୍ଟ କ୍ଲାସରୁମ ଓ ଆଧୁନିକ ଲ୍ୟାବ୍ ସୁବିଧା ରହିଛି। ଏଠାରେ ୧,୦୦୦ରୁ ଅଧିକ ଛାତ୍ରଛାତ୍ରୀ ପଢ଼ିବା ସୁବିଧା ପାଇବେ।
ଏଥି ସହିତ ଦେବଗଡ଼ କଲେଜରେ ଏକ ଇଣ୍ଟିଗ୍ରେଟେଡ୍ ହଷ୍ଟେଲ ମଧ୍ୟ ଉଦ୍ଘାଟନ ହୋଇଛି, ଯାହା ଫଳରେ ଏସ୍ସି, ଏସ୍ଟି ଓ ଓବିସି ଛାତ୍ରଛାତ୍ରୀମାନେ ଲାଭାନ୍ବିତ ହେବେ।
ଏହି ସମସ୍ତ ପ୍ରକଳ୍ପ ଦେବଗଡ଼ର ଉନ୍ନତିକୁ ଆଗକୁ ଆଣିବାରେ ମୁଖ୍ୟ ଭୂମିକା ନେବ ବୋଲି ଆଶା କରାଯାଉଛି।
