Breaking PLUSଆଇନ କାନୁନଓଡ଼ିଶାଦେଶନିଯୁକ୍ତିମୁଖ୍ୟ ଖବର

ଏନ୍‌ଏସ୍‌ଜି କମାଣ୍ଡୋ ଭାବେ ନିଯୁକ୍ତ ହେଲେ ଓଡ଼ିଶାର ୩ ମହିଳା

ଭୁବନେଶ୍ୱର: ଜାତୀୟ ସୁରକ୍ଷା ଗାର୍ଡ (ଏନ୍‌ଏସ୍‌ଜି) କମାଣ୍ଡୋ ଭାବେ ସଫଳତା ହାସଲ କରି ଓଡ଼ିଶା ପୋଲିସ ପାଇଁ ଗୌରବ ଆଣିଛନ୍ତି ରାଜ୍ୟର ତିନି ମହିଳା କନଷ୍ଟେବଳ। ସେମାନେ ହେଲେ ଅନିଷା ସିଂହ, ପିଙ୍କି ସାହୁ ଓ ରାମେଶ୍ରୀ ହାଲଦା।

ଏନ୍‌ଏସ୍‌ଜି କମାଣ୍ଡୋ ହେବା ପାଇଁ ଓଡ଼ିଶା ପୋଲିସର ବହୁ ମହିଳା କନଷ୍ଟେବଳ ଆବେଦନ କରିଥିଲେ। ତେବେ କଠିନ ଚୟନ ପ୍ରକ୍ରିୟାରେ ମାତ୍ର ୫ ଜଣ ମନୋନୀତ ହୋଇଥିଲେ। ଏଥିମଧ୍ୟରୁ ତିନି ଜଣ ମହିଳା କମାଣ୍ଡୋ କନଭର୍ସନ୍‌ କୋର୍ସ (ଏମ୍‌ସିସିସି) ସଫଳତାର ସହ ଶେଷ କରି ଏନ୍‌ଏସ୍‌ଜିରେ ସାମିଲ ହୋଇଛନ୍ତି।

କଠିନ ପ୍ରଶିକ୍ଷଣ ଓ ଚୟନ ପ୍ରକ୍ରିୟାରେ ସଫଳ ହୋଇ ତିନି ମହିଳା ନିଜର ଦକ୍ଷତା, ସାହସ ଓ ନିଷ୍ଠାର ପରିଚୟ ଦେଇଛନ୍ତି। ସେମାନଙ୍କ ଏହି ସଫଳତା ଅନ୍ୟ ମହିଳା ପୋଲିସ କର୍ମଚାରୀଙ୍କ ପାଇଁ ମଧ୍ୟ ପ୍ରେରଣାଦାୟକ ହେବ। ଏହି ଉପଲବ୍ଧି ପାଇଁ ପୋଲିସ ଡିଜି ବିନୟତୋଷ ମିଶ୍ର ତିନି ମହିଳାଙ୍କୁ ଅଭିନନ୍ଦନ ଜଣାଇଛନ୍ତି।

Show More

Related Articles

Back to top button