କ୍ରିକେଟରେ ନିଜର ସଫଳତା ପରେ ଏବେ ଫିଲ୍ମି ଜଗତରେ ପାଦ ଦେବେ ମହେନ୍ଦ୍ର ସିଂ ଧୋନୀ

ନୂଆଦିଲ୍ଲୀ  : ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀଙ୍କ ପ୍ରଶଂସକଙ୍କ ପାଇଁ ଏକ ଖୁସି ଖବର ଅଛି! କ୍ରିକେଟ ପଡ଼ିଆରେ ନିଜର ସଫଳତା ଦେଖାଇବା ପରେ ବର୍ତ୍ତମାନ କ୍ୟାପଟେନ କୁଲ ଅଭିନୟ ଜଗତରେ ପାଦ ଦେବାକୁ ଯାଉଛନ୍ତି ମହେନ୍ଦ୍ର ସିଂ ଧୋନୀ। ପ୍ରଶଂସକମାନେ ଧୋନୀଙ୍କୁ ବଡ଼ ପରଦାରେ ଦେଖିପାରିବେ । ସୂଚନା ଅନୁଯାୟୀ ମହେନ୍ଦ୍ର ସିଂ ଧୋନୀ ର୍ନିମାତା ଭାବରେ ତାଙ୍କ ଫିଲ୍ମରେ ଡେବ୍ୟୁ କରିବାକୁ ଯାଉଛନ୍ତି। ତେବେ ସେ ତାଙ୍କ ଫିଲ୍ମରେ ବଲିଉଡ ଅଭିନେତାଙ୍କ ବଦଳରେ ଦକ୍ଷିଣ କଳାକାରଙ୍କୁ ନେବାକୁ ଯାଉଛନ୍ତି। ଧୋନୀ ତାଙ୍କ ଚଳଚ୍ଚିତ୍ର ସାଉଥ ଇଣ୍ଡଷ୍ଟ୍ରିରୁ ଡେବ୍ୟୁ କରିବେ। ଗଣମାଧ୍ୟମ ସୂଚନା ଅନୁଯାୟୀ, ମହେନ୍ଦ୍ର ସିଂ ଧୋନୀ ଦକ୍ଷିଣ ଭାରତୀୟ ସିନେମାର ଦୁଇ ବଡ ତାରକାଙ୍କ ସହ ଫିଲ୍ମ କରିବାକୁ ପ୍ରସ୍ତୁତ ହେଉଛନ୍ତି। ତାଙ୍କର ପ୍ରଥମ ପ୍ରୋଜେକ୍ଟରେ ଦକ୍ଷିଣର ସୁପରଷ୍ଟାର ଅଭିନେତା ଥାଲାପତି ବିଜୟ ଏବଂ ମହେଶ ବାବୁଙ୍କୁ କାଷ୍ଟ କରିବାକୁ ଯୋଜନା କରିଛନ୍ତି। ଧୋନୀ ଜଣେ ନିର୍ମାତା ଭାବରେ ମାଲାୟାଲମ ଫିଲ୍ମ ଇଣ୍ଡଷ୍ଟ୍ରିରୁ ଅଭିନେତା ପ୍ରୀତିରାଜ ସୁକୁମାରନ ଏବଂ ତାଙ୍କ ଚଳଚ୍ଚିତ୍ରରେ କନ୍ନଡ ଇଣ୍ଡଷ୍ଟ୍ରିର କିଚା ସୁଦୀପଙ୍କୁ କାଷ୍ଟ କରିବା ପାଇଁ ମଧ୍ୟ ପ୍ରସ୍ତୁତି ଚଳାଇଛନ୍ତି।