ଉତ୍ତର ପ୍ରଦେଶ ମୀର୍ଜାପୁରରେ ଭୟଙ୍କର ସଡ଼କ ଦୁର୍ଘଟଣା; ୧୧ ମୃତ

ଲକ୍ଷ୍ନୌ, 23 ଏପ୍ରିଲ-ଉତ୍ତର ପ୍ରଦେଶ ମୀର୍ଜାପୁରରେ ଭୟଙ୍କର ସଡ଼କ ଦୁର୍ଘଟଣାରେ ୧୧ ଜଣଙ୍କ ଜୀବନ ଯାଇଛି । ବ୍ରେକ୍ ଫେଲ୍ ହେବାରୁ ଏକାଧିକ ଗାଡ଼ି ଉପରେ ମାଡ଼ିଯାଇଥିଲା ଟ୍ରକ୍ । ଘାଟି ରାସ୍ତାରେ ତଳକୁ ଓହ୍ଲାଇବା ବେଳେ ବ୍ରେକ୍ ଫେଲ୍ ହେବାରୁ ଦୁର୍ଘଟଣା ଘଟିଛି ।

ଉତ୍ତର ପ୍ରଦେଶର ମିର୍ଜାପୁର ଜିଲ୍ଲାରେ ବୁଧବାର ବିଳମ୍ବିତ ରାତିରେ ଏକ ଭୟଙ୍କର ସଡ଼କ ଦୁର୍ଘଟଣା ଘଟିଛି। ଏଥିରେ ୧୧ ଜଣଙ୍କର ମୃତ୍ୟୁ ହୋଇଛି। ଡ୍ରୁମଣ୍ଡଗଞ୍ଜ ପୁଲିସ ଷ୍ଟେସନ ଅଧୀନସ୍ଥ ବଡ଼କା ଘୁମାନ ମୋଡ଼ ନିକଟରେ ଏହି ଦୁର୍ଘଟଣା ଘଟିଛି। ଏକ ଦ୍ରୁତଗାମୀ ଏବଂ ନିୟନ୍ତ୍ରଣ ବାହାରେ ଥିବା ଟ୍ରକ୍ ପଛରୁ ଅନେକ ଗାଡ଼ିକୁ ଜୋର୍‌ରେ ଧକ୍କା ଦେଇଥିଲା।

ଟ୍ରକଟି ଏକ ବୋଲେରୋ, ଏକ କାର ଏବଂ ଏକ କଣ୍ଟେନର ଟ୍ରକ୍ ସହିତ ଧକ୍କା ହୋଇଥିଲା। ଧକ୍କା ଏତେ ଭୟଙ୍କର ଥିଲା ଯେ ବୋଲେରୋ ଏବଂ କାରଟି ତୁରନ୍ତ ନିଆଁରେ ଜଳିଗଲା। ନିଆଁ ଲାଗିଯିବାରୁ ଗାଡ଼ିରେ ଥିବା ଯାତ୍ରୀମାନେ ବାହାରିବାକୁ ସକ୍ଷମ ହୋଇ ପାରିଲେ ନାହିଁ। ଏହି ଦୁର୍ଘଟଣାରେ ମୋଟ ୧୧ ଜଣଙ୍କ ମୃତ୍ୟୁ ହୋଇଛି। ଅଧିକାଂଶ ମୃତକ ବୋଲେରୋ ଯାତ୍ରୀ ବୋଲି ପ୍ରାଥମିକ ତଦନ୍ତରୁ ଜଣାପଡ଼ିଛି। ମୃତକଙ୍କ ମଧ୍ୟରେ ପିଲାମାନେ ମଧ୍ୟ ଅଛନ୍ତି।

ଦୁର୍ଘଟଣାରେ ଟ୍ରକ୍ ଡ୍ରାଇଭର ସମେତ ଅନେକ ଲୋକ ଆହତ ହୋଇଛନ୍ତି ଏବଂ ସେମାନଙ୍କୁ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଛି। ପୋଲିସ ଘଟଣାର ଛାନଭିନ କରୁଛି ।