ଟିମ୍ ଇଣ୍ଡିଆର ସ୍ପିଡ୍ ବୋଲର୍ ଯଶପ୍ରୀତ ବୁମରାହ ଖୁବ ଶୀଘ୍ର ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି। ସେଥିପାଇଁ ସେ ଇଂଲଣ୍ଡ ବିପକ୍ଷରେ ଚତୁର୍ଥ ୭ ଓ ଟି-୨୦ ସିରିଜରୁ ଛୁଟି ନେଇଛନ୍ତି। ଟିମ୍ ଇଣ୍ଡିଆର ସ୍ପିଡ୍ ବୋଲର୍ ଯଶପ୍ରୀତ ବୁମରାହ କାହାକୁ ବାହା ହେଉଛନ୍ତି ଏ ପ୍ରଶ୍ନ ସମସ୍ତଙ୍କ ମନରେ। ତେବେ ସେ କାହାକୁ ବିବାହ କରୁଛନ୍ତି ତାହା ପ୍ରଶଂସକ ବୋଧହୁଏ ଜାଣିନଥିବେ। ସୋସିଆଲ୍ ମିଡ଼ିଆରେ ହେଉଥିବା ଚର୍ଚ୍ଚା ଅନୁଯାୟୀ ମାର୍ଚ୍ଚ ୧୪-୧୫ ତାରିଖରେ ବୁମରାହ ବିବାହ କରିବେ। ସେ ଗୋଆରେ ବିବାହ କରିବେ।
ସେ ସ୍ପୋର୍ଟ୍ସ ଆଙ୍କର ସଞ୍ଜନା ଗଣେଶନଙ୍କୁ ବିବାହ କରିବାକୁ ଯାଉଛନ୍ତି।ସ୍ପୋର୍ଟ୍ସ ୱେବସାଇଟ ସ୍ପୋର୍ଟ୍ସ କୀଡାର ଟ୍ୱିଟ୍ ଅନୁଯାୟୀ ସଞ୍ଜନା ଓ ଯଶପ୍ରୀତ ବୁମରାହଙ୍କ ବାହାଘର ଗୋଆରେ ହେବ। ସଞ୍ଜନା ଆଇପିଏଲ୍ ଆଙ୍କର। ସେ ୨୦୧୯ ବିଶ୍ୱକପରେ ମଧ୍ୟ ଆଙ୍କରିଙ୍ଗ୍ କରିଥିଲେ। ସଞ୍ଜନା ଇଞ୍ଜିନିୟରିଂ କରିଛନ୍ତି। କିନ୍ତୁ ସେ ମଡେଲିଂ ଆଡକୁ ମୁହାଁଇଥିଲେ ଓ ୨୦୧୪ ମସିହାରେ ସେ ମିସ୍ ଇଣ୍ଡିଆ ଫାଇନାଲ୍ ଯାଏଁ ବି ପହଞ୍ଚିଥିଲେ। ସଞ୍ଜନା ଏମ ଟିଭି ରିଆଲିଟି ଶୋ’ ସ୍ପିଲଟ୍ସ ଭିଲ୍ଲାରେ ଟିଭିରେ ଡେବ୍ୟୁ କରିଥିଲେ। ୨୦୧୩ରେ ସେ ଫେମିନା ଗର୍ଜିୟସ ଆୱାର୍ଡ ଜିତିଥିଲେ।
