ପାରାଦୀପ: ମାଛ ବେପାରୀ ଉପରେ ଚଢ଼ିଗଲା ଟ୍ରକ୍ । ଅଠରବାଙ୍କୀ ନିକଟରେ ସାଇକେଲରେ ଯିବା ବେଳେ ଚଢ଼ିଗଲା । ମୃତ ମାଛ ବେପାରୀ ବାଲିଝର ବସ୍ତିର ମହେନ୍ଦ୍ର ଜେନା ବୋଲି ଜଣାପଡିଛି । ଘଟଣାସ୍ଥଳରେ ଉତ୍ତେଜନା ଦେଖାଦେଇଛି ।
ଆଜି ଛାଡଖାଇ ଥିବାବେଳେ ସେ ଭୋର ସମୟରେ ସାଇକେଲ ଯୋଗେ ମାଛ ନେଇ ବଜାରକୁ ବିକ୍ରି କରିବାକୁ ଆସୁଥିଲେ। ରାସ୍ତାରେ ଏକ ଟ୍ରକ୍ ତାଙ୍କ ଉପରେ ଚଢିଯାଇଥିଲା। ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ଘଟିଛି। ଦୁର୍ଘଟଣାସ୍ଥଳରେ ଉତ୍ତେଜନା ଦେଖାଦେଇଥିବାବେଳେ ଉତ୍ତ୍ୟକ୍ତ ଲୋକ ଅଠରବାଙ୍କୀ ରାସ୍ତା ଅବରୋଧ କରିଛନ୍ତି। ପରେ ଖବର ପାଇ ପାରାଦୀପ ପୁଲିସ୍ ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ ଜାରି ରଖିଛି।
