ଭୁବନେଶ୍ୱର: ଓଡ଼ିଶା ରାଜନୀତିରେ ଏକ ନୂଆ ଅଧ୍ୟାୟ ଆରମ୍ଭ ହୋଇଛି। ପୂର୍ବତନ ବିଧାୟକ ମହମ୍ମଦ ମୋକିମଙ୍କ ନେତୃତ୍ୱରେ ନୂଆ ଆଞ୍ଚଳିକ ଦଳ ‘ଓଡ଼ିଶା ଜନତା କଂଗ୍ରେସ’ ଗଠିତ ହୋଇଛି। ଆଜି ବିଧିବଦ୍ଧ ଭାବେ ଏହାର ଲୋକାର୍ପଣ କରାଯାଇଛି।
ଏହି ଅବସରରେ ପ୍ରଦର୍ଶନୀ ପଡ଼ିଆରେ ଆୟୋଜିତ ସମାବେଶରେ ଶହ ଶହ ସମର୍ଥକଙ୍କ ଭିଡ଼ ଦେଖିବାକୁ ମିଳିଥିଲା, ଯାହା ନୂଆ ଦଳ ପ୍ରତି ଲୋକଙ୍କ ଆଗ୍ରହକୁ ପ୍ରକାଶ କରୁଛି।
ସମାବେଶ ସ୍ଥଳରେ ନିଲମ୍ବିତ କଂଗ୍ରେସ ବିଧାୟିକା ସୋଫିଆ ଫିର୍ଦ୍ଦୋସ ମଧ୍ୟ ଉପସ୍ଥିତ ରହିଥିଲେ, ଯାହା ଏହି ଦଳର ରାଜନୈତିକ ଗୁରୁତ୍ୱକୁ ଆହୁରି ବଢ଼ାଇଛି।
ତେବେ ଏହି ନୂଆ ଦଳର ନେତୃତ୍ୱ କିଏ ନେବେ ଏବଂ ପ୍ରତିଷ୍ଠାତା ସଭାପତି କିଏ ହେବେ, ସେନେଇ ଏବେ ରାଜନୈତିକ ମହଲରେ ଚର୍ଚ୍ଚା ଜୋର ଧରିଛି।ନୂଆ ଦଳ ଗଠନ ଓ ତାହାର ଆଗାମୀ ରଣନୀତି କେମିତି ହେବ, ସେଥିପାଇଁ ସମସ୍ତଙ୍କ ନଜର ଏବେ ଏହି ଦଳ ଉପରେ ରହିଛି।
