ଋଷ-ୟୁକ୍ରେନ୍ ଯୁଦ୍ଧକୁ ଦୀର୍ଘଦିନ ପୂରିଥିଲେ ମଧ୍ୟ ଥମିବା ପରିବର୍ତ୍ତେ ଭୟଙ୍କର ହେଉଛି ସ୍ଥିତି । କିବକୁ ଯୁକ୍ରେନ ପୁଣି କବଳିତ କରବା ପରେ ଘନ ଘନ ମିଶାଇଲ ମାଡ କରୁଛି ଋଷ । କିନ୍ତୁ ଏହାରି ମଧ୍ୟରେ ଋଷ ରାଷ୍ଟ୍ରପତି ଭ୍ଲାଦିମୀର ପୁତିନଙ୍କ ଉପରେ ଆତ୍ମଘାତୀ ଆକ୍ରମଣ ହୋଇଛି ବୋଲି ଅନ୍ତର୍ଜାତୀୟ ମିଡିଆ ରିପୋର୍ଟରେ ଦାବି କରାଯାଇଛି । ଏଥିରେ ଅଳ୍ପକେ ପୁତିନ୍ ବର୍ତ୍ତିଯାଇଥିବାବେଳେ କଥାକୁ ନିଶ୍ଚିତ କରାଯାଇନାହିଁ ।
ମିଡିଆ ରିପୋର୍ଟ ଅନୂଯାୟୀ, ଭ୍ଲାଦିମୀର ପୁତିନଙ୍କ ଲିମୋସିନ୍ କାର୍ ପାଖରେ ବମ୍ ବିସ୍ଫୋରଣ କରାଯାଇ ତାଙ୍କୁ ହତ୍ୟା କରିବାକୁ ଚେଷ୍ଟା କରାଯାଇଛି । ବମ୍ ବିସ୍ଫୋରଣ ପରେ କାରର ବାମ ପାଶ୍ୱର୍ରୁ ଧୂଆଁ ବାହାରୁଥିବା ମଧ୍ୟ କୁହାଯାଇଛି ।
ପୁତିନଙ୍କ ଲିମୋସିନ କାରକୁ ସୁରକ୍ଷିତ ସ୍ଥାନକୁ ନିଆଯାଇଥିଲା । ଅବଶ୍ୟ ଏଥିରେ ପୁତିନଙ୍କୁ କୌଣସି ଆଘାତ ହୋଇନାହିଁ । ଅନ୍ୟ ଏକ ରିପୋର୍ଟରେ କୁହାଯାଇଛି ଯେ ପୁତିନ ଏକ କାର୍ଯ୍ୟକ୍ରମରୁ ଫେରିବାବେଳେ ଏହି ଘଟଣା ଘଟିଛି । ପ୍ରଥମେ ଏକ ଆମ୍ବୁଲାନ୍ସ ପୁତିନଙ୍କ ସୁରକ୍ଷାରେ ଥିବା ପ୍ରଥମ କାର୍ ଅଟକିଥିଲା । ଯାହାପରେ ବୋମା ବିସ୍ଫୋରଣ ହୋଇଥିଲା । ଘଟଣା ପରେ କାରକୁ ବମ୍ ସ୍କ୍ୱାଡ୍ ଏବଂ ବୁଲେଟପ୍ରୁଫ୍ ସୁରକ୍ଷାକର୍ମୀ ଚାରିପଟୁ ଘେରିନେଇଥିଲେ । ଏବଂ ପୁତିନଙ୍କୁ ସୁରକ୍ଷିତ ସ୍ଥାନରେ ପହଞ୍ଚାଯାଇଥିଲା ।
